ផ្សារចំនួន៤ នៅរាជធានីភ្នំពេញ ចុះចែកម៉ាស់ជូនដល់អាជីវករ និងអតិថិជន ទុកប្រើប្រាស់បង្ការទប់ស្កាត់ជម្ងឺកូវីដ១៩
ភ្នំពេញ៖នាថ្ងៃទី១២ខែវិច្ឆិកាឆ្នាំ២០២០នេះលោកប្រធានផ្សារទាំង៤រូបនិងសហការីក្នុងខណ្ឌចំនួន៣គឺខណ្ឌបឹងកេងកង,ខណ្ឌចំការមន និង ខណ្ឌច្បារអំពៅនៃរាជធានីភ្នំពេញក្នុងនោះគឺលោកប្រធានផ្សារបឹងកេងកងឯក និ មល ,លោកប្រធានផ្សារទួលទំពូងចំរើន សុខលីម,លោកសាន់ ប៊ុនណា ប្រធានផ្សារបន្លែច្បារអំពៅ និង លោកគួច ចំណាន ប្រធានផ្សារច្បារអំពៅដោយបានចុះជួបសំណេះសំណាលជាមួយបងប្អូនអាជីវករនិងអតិថិជនដោយបានចែកម៉ាស់ជូនដល់ដៃពួកគាត់យកទៅទុកប្រើប្រាស់ដើម្បីចូលរួមបង្ការទប់ស្កាត់នៃការឆ្លងរាលដាល់ជម្ងឺកូវីដ១៩ ។
លោកប្រធានផ្សារទាំង៤រូបខាងលើបានអោយដឹងថាចំពោះម៉ាស់ដែលបានយកមកចែកជូនដល់ដៃបងប្អូនអាជីវករនិងអតិថិជននាពេលថ្ងៃនេះគឺជាអំណោយដ៏ថ្លៃថ្លារបស់សម្ដេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដែលបានផ្ដល់ម៉ាស់យ៉ាងច្រើនមកតាមរយះលោកអភិបាលរាជធានីភ្នំពេញឃួង ស្រេង ដើម្បីយកមកចែកជូនដល់ដៃបងប្អូនអាជីវករផ្សារនិងអតិថិជនជាពិសេសបងប្អូនប្រជាជនដែលមានជីវភាពខ្វះខាតដើម្បីទុកប្រើប្រាស់ចូលរួមបង្ការទប់ស្កាត់នៃការឆ្លងរាលដាលជម្ងឺកូវីដ១៩។
ជាមួយគ្នានេះដែរលោកប្រធានផ្សារទាំង៤រូបខាងលើនោះបានមានមតិលើកឡើងស្រដៀងៗគ្នាថាដោយសូមអំពាវនាវជាពិសេស ដល់បងប្អូនប្រជាជនដែលជាអតិថិជនផ្សារនិងបងប្អូនអាជីវករផ្សារទាំងអស់ដោយសូមចូលរួមគោរព និង អនុវត្តតាមសេចក្ដីណែនាំ និង វិធានការទាំងឡាយរបស់រាជរដ្ឋាភិបាល ក៏ដូចជាក្រសួងសុខាភិបាល ដើម្បីបង្ការដោយការ ការពារ និងទប់ស្កាត់នៃការឆ្លងរីករាលដាលនៃជំងឺកូវីដ-19 ។
ហើយការអនុវត្តនូវវិធានការ ការពារ ដូចជាពាក់ម៉ាស ,និងធ្វើអនាម័យខ្លួនប្រាណអោយបានត្រឹមត្រូវដោយលាងដៃជាមួយអាកុល ឬជែល រក្សាគម្លាត និងត្រូវមានអនាម័យជាប់ជានិច្ចផងដែរ៕