អគ្គីភ័យបំផ្លាញហាងយីហោយ៉ាឃុន កាយ៉ា ថូសម៉ដ្ឋនៅចំការមន
ភ្នំពេញ៖គណៈបញ្ជាការឯកភាពខណ្ឌចំការមន ដឹកនាំការងារដោយលោក ថេង សុថុល អភិបាល នៃគណៈអភិបាលខណ្ឌចំការមន នាព្រឹកថ្ងៃទី០៨ខែធ្នូឆ្នាំ២០២០នេះ បានចុះអន្តរាគមន៍បាញ់ទឹកពន្លត់អគ្គីភ័យដែលកំពុងឆាបឆេះយ៉ាងសន្ធោរសន្ធៅនៅហាងយីហោ យ៉ាឃុន កាយ៉ា ថូស ផ្ទះលេខ ២៩ ផ្លូវលេខ ២៩៤ សង្កាត់ទន្លេបាសាក់ ខណខណ្ឌចំការមន រាជធានីភ្នំពេញ។
ចំពោះមូលហេតុៈ ឆ្លងចរន្តអគ្គីសនី(ផ្ទុះកន្ទុយម៉ាស៊ីនត្រជាក់ ០៥គ្រឿង) ដោយមានរថយន្តពន្លត់អគ្គីភ័យចំនួន ០៨ គ្រឿងក្នុងនោះរួមមាន៖ក្រសួងមហាផ្ទៃ ០១ គ្រឿង,ទីក្រុងកោះពេជ្រ ០៤ គ្រឿងស្នងការនគរបាលរាជធានីភ្នំពេញ ០៣គ្រឿងហេីយទឹកប្រេីប្រាស់អស់ចំនួន ០៣ឡានពេលនេះអគ្គីភ័យខាងលេី បានរលត់១០០%ហេីយនៅវេលាម៉ោង ១១ចំពោះសម្ភារៈខូតខាត កន្ទុយម៉ាស៊ីនត្រជាក់ ០៥គ្រឿង។
ខណៈពេលនោះដែរលោកថេង សុថុល អភិបាលខណ្ឌចំការមនបានមានមតិលើកឡើងដោយសង្កត់ធ្ងន់ថាដោយសូមធ្វើការអំពាវនាវទៅដល់បងប្អូនប្រជាជនទូទៅពិសេសអ្នកប្រកបមុខរបរបើកលក់ដូរចំណីអាហារឬគ្រឿងបរិភោគនៅតាមបណ្ដាហាងអាហារដ្ឋាននិមួយៗសូមប្រុងប្រយ័ត្នចំពោះបញ្ហាភ្លើងផ្សែងស្របពេលនេះឬខែនេះចូលដល់រដូវរំហើយធ្លាក់ខ្យល់បក់មកពីទិសខាងជើងហើយមានអាកាសធាតុត្រជាក់ចឹងបើសិនជាយើងខ្វះការប្រុងប្រយ័ត្នវាអាចកើតមានបញ្ហាអគ្គីភ័យកើតឡើងជាថាហេតុដោយបំផ្លាញផ្ទះសម្បែងឬហាងលក់ដូរ។ល។និង។ល។ដូចនេះយើងត្រូវចូលរួមប្រុងប្រយ័ត្នទាំងអស់គ្នាបញ្ហាភ្លើងផ្សែងពោលគឺការពារប្រសើរជាងព្យាបាល៕