រដ្ឋបាលខណ្ឌបឹងកេងកង បន្តចុះចែកម៉ាស់ ទឹកអាកុល ឬជែល ជូនដល់អ្នកដំណើរតាមដងមហាវិថីម៉ៅសេទុង
ភ្នំពេញ៖ដោយអនុវត្តន៍តាមវិធានការរបស់ក្រសួងសុខាភិបាល និងសេចក្ដីជូនដំណឹងរបស់រដ្ឋបាលរាជធានីភ្នំពេញក៏ដូចជាការគិតគូរដោយយកចិត្តទុក្ខដាក់ដោយផ្ទាល់ពីសំណាក់លោកធឹម សំអាន អភិបាលខណ្ឌបឹងកេងកងក្នុងការបង្ការទប់ស្កាត់នៃការឆ្លងរាលដាលនៃមេរោគកូវីដ១៩។ក្នុងនោះលោកអភិបាលខណ្ឌបឹងកេងកងធឹម សំអាន និងលោកស្រីអភិបាលរងខណ្ឌបឹងកេងកងសុិន រតនា ដោយពួកគាត់មានទឹកចិត្តសប្បាយរីករាយនិងការងារបម្រើប្រជាជនរបស់ខ្លួននៅក្នុងមូលដ្ឋានដោយនៅថ្ងៃទី១៨ខែធ្នូ ឆ្នាំ២០២០ នេះរដ្ឋបាលខណ្ឌបឹងកេងកង ដោយបន្តចលនាយុទ្ធនាការចុះចែកម៉ាស់ដែលជាអំណោយដ៏ថ្លៃថ្លា របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ជូនដល់បងប្អូនជាអ្នកដំណើរតាមមធ្យោបាយនានានៅលើដងមហាវិថីម៉ៅសេទុងក្នុងមូលដ្ឋានសង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញខណៈពេលពួកគាត់ធ្វើដំណើរមកដល់មុខសាលាខណ្ឌបឹងកេងកងផងដែរ។
ជាមួយគ្នានោះដែរលោកអភិបាលខណ្ឌបឹងកេងកងធឹម សំអាន បានមានមតិលើកឡើងដោយសូមអំពាវនាវបងប្អូនប្រជាជនទាំងអស់ដែលរស់នៅក្នុងមូលដ្ឋានខណ្ឌបឹងកេងកងដែលមាន០៧សង្កាត់ និងបងប្អូនអាជីវករនៅផ្សារចំនួន០២គឺផ្សារបឹងកេងកង និង ផ្សារអូឡាំពិកមេត្តាចូលរួមពាក់ម៉ាស់ការពារ បាញ់ទឹកអាល់កុលឬជែលលាងសម្អាតដៃជាប្រចាំនិងរក្សាគម្លាតពីគ្នា តាមការណែនាំរបស់ក្រសួងសុខាភិបាល។ដូចនេះយើងត្រូវចូលរួមប្រយុទ្ឋប្រឆាំងមេរោគកូវីដ១៩តាមការណែនាំរបស់ក្រសួងសុខាភិបាល៕
