អនុសាខាកាកបាទក្រហមកម្ពុជា ខណ្ឌប្ញស្សីកែវ ទទួលអំណោយពី សប្បុរសជន លោក ហួន សីហា នូវអង្ករ ០១ តោន
ភ្នំពេញ៖កាលពីរសៀលថ្ងៃទី២៣ ខែធ្នូ ឆ្នាំ២០២០ នៅក្នុងបរិវេណសាលាខណ្ឌប្ញស្សីកែវ លោកជា ពិសី អភិបាលខណ្ឌនិងជាប្រធានគណៈកិត្តិយសអនុសាខាកាកបាទក្រហមកម្ពុជា ខណ្ឌប្ញស្សីកែវ បានអញ្ជើញជាអធិបតីភាពក្នុងពិធិទទួលអំណោយពី សប្បុរសជនគឺ លោក ហួន សីហា ជំនួយការ លោកនាយឧត្តមសេនីយ៍ ឈុំ សុជាតិ រដ្ឋលេខាធិការ និងជាអ្នកនាំពាក្យ ក្រសួងការពារជាតិ។
ពិធីនេះ ក៏មានវត្តមានរបស់ លោក លោកស្រី សមាជិកគណៈកម្មាធិការអនុសាខា មន្ត្រីអនុសាខា ព្រមជាមួយ មន្ត្រីសាលាខណ្ឌ បានអញ្ជើញចូលរួមផងដែរ ។
ក្នុងឱកាសនោះលោកជា ពិសី អភិបាលខណ្ឌនិងជាប្រធានគណៈកិត្តិយសអនុសាខាកាកបាទក្រហមកម្ពុជា ខណ្ឌប្ញស្សីកែវ បានថ្លែងអំណរគុណយ៉ាងជ្រាលជ្រៅចំពោះលោក ហួន សីហា ជំនួយការ លោកនាយឧត្តមសេនីយ៍ ឈុំ សុជាតិ រដ្ឋលេខាធិការ និងជាអ្នកនាំពាក្យ ក្រសួងការពារជាតិដែលបាននាំយកអំណោយជាអង្ករជូនដល់អនុសាខាកាកបាទក្រហមកម្ពុជា ខណ្ឌប្ញស្សីកែវនាពេលនេះពិតជាមានសារះសំខាន់ណាស់។
អំណោយដែលទទួលបានពី សប្បុរសជន រួមមាន ៖ អង្ករ ចំនួន ០១ តោន (មួយពាន់គីឡូក្រាម)៕
