ស្ថាបនាជួសជុលផ្លូវបេតុងថ្មី១ខ្សែនៅសង្កាត់ចោមចៅទី៣,បញ្ចប់ការសន្យាកាលពីមុនបោះឆ្នោត
ភ្នំពេញ៖ក្រោយបោះឆ្នោតរដ្ឋបាលខណ្ឌពោធិសែនជ័យ ១ខ្សែរដែលបានបើកការដ្ឋានស្ថាបនាជួសជុលផ្លូវបេតុងថ្មី១ខ្សែ ភូមិអង្គកែវ នៅសង្កាត់ចោមចៅទី៣ឆ្លើយតបតាមការសន្យាកាលពីមុនបោះឆ្នោតក្រោមអធិបតីលោក ហែម ដារិទ្ធិ អភិបាលខណ្ឌពោធិ៍សែនជ័យនាដោយមានការចូលរួមពីលោកអភិបាលរងខណ្ឌមន្ត្រីជំនាញនិងចៅសង្កាត់មន្ត្រីក្រោមឱវាទជាច្រើនរូបទៀតកាលពីថ្ងៃទី ១០ ខែសីហា ឆ្នាំ២០១៨នេះ ។
លោកអភិបាលខណ្ឌពោធិសែនជ័យបានថ្លែងអំណរគុណចំពោះប្រជាពលរដ្ឋក្នុងសង្កាត់ចោមចៅទី៣ដែលបានបោះឆ្នោតគាំទ្រគណបក្សប្រជាជនកម្ពុជាកន្លងមកហើយនៅថ្ងៃនេះរដ្ឋបាលខណ្ឌបើកការដ្ឋានស្ថាបនាផ្លូវបេតុងចងដៃជូនបងប្អូនប្រជាពលរដ្ឋ ភូមិអង្គកែវ នៅសង្កាត់ចោមចៅទី៣ ខណ្ឌពោធិសែនជ័យជាការបំពេញការសន្យាកាលពីពីមុនបោះឆ្នោត។លោកអភិបាលខណ្ឌបានបន្តថា៖មន្ត្រីគណបក្សប្រជាជនមិនដែលសន្យាខ្យល់ទេថាហើយគឺធ្វើជូនពលរដ្ឋភ្លាមជាក់ស្ដែងពេលនេះតែម្ដង។លោកបន្តទៀតថា៖អាជ្ញាធរខណ្ឌតែងតែគិតគូរយកចិត្តទុកដាក់ដោះស្រាយរាល់សំណូមពរនិងសំណើររបស់ប្រជាពលរដ្ឋនៅមូលដ្ឋានជាបន្តបន្ទាប់សំណូមពរណាខណ្ឌខណ្ឌអាចដោះស្រាយបានខណ្ឌដោះជូនភ្លាមបើមិនអាចដោះបានរាយការជូនសាលារាជធានីភ្នំពេញដោះស្រាយបន្ត។
មន្ត្រីជំនាញរដ្ឋបាលខណ្ឌពោធិសែនជ័យបានឱ្យដឹងថា៖ផ្លូវបេតុងមួយខ្សែនេះមានប្រវែងបណ្តោយ ៣០០ម៉ែត្រ និងទទឹង ប្រវែង៨ម៉ែត្រ ដោយដាក់ប្រព័ន្ធលូបង្ហូរទឹកប្រវែង ៣០០ម៉ែត្រ មានមុខកាត់១ម៉ែត្រ ដែលនឹងស្ថាបនាចាក់បេតុងឆ្អឹងដែកភ្ជាប់ពីផ្លូវជាតិលេខ ៤ ចូលទៅភូមិអង្គកែវ សង្កាត់ចោមចៅទី៣ ដោយប្រើប្រាស់កព្ចាប់ថវិការបស់រដ្ឋបាលខណ្ឌពោធិសែនជ័យ៕
