ឃាត់ខ្លួនជនសង្ស័យចំនួន២នាក់ ពាក់ព័ន្ធករណីគ្រឿងញៀន នៅចំណុច ចន្លោះស្ពានទី១១-១២នៅភូមិចំបក់មាស សង្កាត់បាក់ខែង
ភ្នំពេញ៖កម្លាំងល្បាតរបស់កងរាជអាវុធហត្ថខណ្ឌជ្រោយចង្វារ បានឃាត់ខ្លួនជនសង្ស័យចំនួន២នាក់ ពាក់ព័ន្ធករណីគ្រឿងញៀន នៅចំណុច ចន្លោះស្ពានទី១១-១២ តាមបណ្តោយផ្លូវជាតិលេខ៦ ស្ថិតនៅភូមិចំបក់មាស សង្កាត់បាក់ខែង ខណ្ឌជ្រោយចង្វារនាយប់ថ្ងៃអាទិត្យ ទី ១៧ ខែមករា ឆ្នាំ២០២១ ។
មន្ត្រីកងរាជអាវុធហត្ថបានឱ្យដឹងថា៖ក្នុងប្រតិបត្តិការបង្ក្រាប កម្លាំងកងរាជអាវុធហត្ថខណ្ឌជ្រោយចង្វារ បានឃាត់ខ្លួនជនសង្ស័យ និងវត្ថុតាង រួមមាន៖ ១.ឈ្មោះ ឈឿន ម៉េងលាង ភេទប្រុស អាយុ ៤១ឆ្នាំ ជនជាតិខ្មែរ មុខរបរជាងសំណង់ មានទីលំនៅបច្ចុប្បន្នស្ថិតនៅភូមិស្វាយអាត់លេី ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល, ២.ឈ្មោះ រម្យ ភារុណ ភេទប្រុស អាយុ ២៦ឆ្នាំ ជនជាតិខ្មែរ មុខរបរ ជាងសំណង់ មានទីលំនៅបច្ចុប្បន្នស្ថិតនៅភូមិស្វាយអាត់លើ ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល ។
វត្ថុតាងដកហូតបានរួមមាន ៖ ក្រាមសថ្លាចំនួន ១កញ្ចប់តូច, ទូរស័ព្ទ ២គ្រឿង, កាបូបស្ពាយចំហៀង ១ និងម៉ូតូ ០១គ្រឿង ម៉ាកអាយខន ពណ៍បៃតង គ្មានស្លាកលេខ។
មន្ត្រីកងរាជអាវុធហត្ថបន្តថា៖បច្ចុប្បន្នជនសង្ស័យ និងវត្ថុតាង បានបញ្ជូនទៅការិយាល័យគ្រឿងញៀន នៃកងរាជអាវុធហត្ថរាជធានីភ្នំពេញ ដើម្បីចាត់ការតាមនីតិវិធីបន្ត៕
