វ៉ូវីណាមកម្ពុជា ទទួលបានមេដាយ២៩គ្រឿង សម្រាប់ជើងឯកអាស៊ីអាគ្នេយ៍ នៅប្រទេសមីយ៉ាន់ម៉ា
ភ្នំពេញ៖ ក្រុមអត្តពលិក កីឡាវ៉ូវីណាកម្ពុជា បានទទួលមេដាយចំនួន២៩គ្រឿង នៃព្រឹត្តិការណ៍ ការប្រកួតកីឡាជ្រើសរើស ជើងឯកអាស៊ីអាគ្នេហ៍ លើកទី៥ នៅទីក្រុង Nay Piy Taw ប្រទេសមីយ៉ាន់ម៉ា ដែលបានធ្វើឡើង រយៈពេល ៣ថ្ងៃ ចាប់ពីថ្ងៃទី៩ រហូតដល់ថ្ងៃទី ១១ ខែសីហា ឆ្នាំ២០១៨នេះ ។
ក្នុងនោះលោក អ៊ូ រតនា អនុប្រធានសហព័ន្ធ បានមានប្រសាសន៍ ពីមីយ៉ាន់ម៉ាថា ក្រុមអត្តពលិកកីឡាវ៉ូវីណាមកម្ពុជា មេដាយ២៩គ្រឿងហើយ ក្នុងនោះទទួលមេដាយមាស ៦គ្រឿង មេដាយប្រាក់៨គ្រឿង និងមេដាយសំរិទ្ធ១៥គ្រឿង៕