ការប្រកួតកីឡាវ៉ូវីណាម ជ្រើសរើសជើងឯកថ្នាក់ជាតិ២០២០ ចាប់ផ្តើមនារសៀលថ្ងៃទី២៧មករា
ភ្នំពេញ៖ ការប្រកួតកីឡាវ៉ូវីណាមប្រចាំឆ្នាំ ២០២០បានចាប់ផ្ដើមហើយនារសៀលថ្ងៃទី២៧ ខែមករា ឆ្នាំ២០២១ ដែលការប្រកួតនេះរៀបចំដោយសហព័ន្ធកីឡាវ៉ូវីណាមកម្ពុជាក្រោមការទ្រទ្រង់ថវិការបស់ក្រសួងអប់រំយុវជន និង កីឡា ។
ព្រឹត្តិការណ៍នេះបានចាប់ផ្ដើមក្រោយពីបញ្ចប់វគ្គបណ្តុះបណ្តាលចៅក្រម អាជ្ញាកណ្តាលកម្រិត“ក”ដែលការប្រកួតនេះធ្វើនៅសាល
ហ្វឹកហាត់បាល់បោះរបស់មជ្ឈមណ្ឌលជាតិហ្វឹកហ្វឺនកីឡា។ការប្រកួតមានរយៈពេល៣ថ្ងៃគឺពីថ្ងៃទី២៧ដល់២៩មករា ។
លោកអ៊ូ រតនាអគ្គលេខាធិការសហព័ន្ធបានប្រាប់ឲ្យដឹងថាយោងតាមអង្គប្រជុំរបស់សហព័ន្ធសម្រេចដាក់១៧វិញ្ញាសាក្នុងនោះ
វិញ្ញាសាប្រយុទ្ធមានចំនួន៩ប្រភេទទម្ងន់ និងវិញ្ញាសាសម្តែងមេគុនមានចំនួន៨។
លោកបានបន្តថា ចំពោះកីឡាករ-កីឡាការិនីមានចំនួន១២ក្លិប និងសមាគម ក្នុងនោះមានសមាគមកីឡាវ៉ូវីណាមក្រសួងមហាផ្ទៃ និងសមាគមកីឡាវ៉ូវីណាមក្រសួងការពារជាតិដោយមានអត្តពលិកចំនួន៧៦នាក់ក្នុងនោះកីឡាករចំនួន៤៨ និងកីឡាការិនី២៨នាក់៕
