ប្រទេសបង់ក្លាដែស ជម្លៀសប្រជាជនមូស្លីមរ៉ូហ៊ីងយ៉ា ចំនួន២ទៅ៣ពាន់នាក់ទៀត ទៅកាន់កោះដាច់ស្រយាល បើទោះជាទទួលរងនូវការរិះគន់ពីក្រុមសិទ្ធិមនុស្ស
បង់ក្លាដែស៖ មន្ត្រីកងទ័ពជើងទឹកបាននិយាយថា ប្រទេសបង់ក្លាដែសនឹងជម្លៀស ជនភៀសខ្លួនមូស្លីមរ៉ូហ៊ីងយ៉ាចំនួនពី២០០០ទៅ ៣០០០ នាក់បន្ថែមទៀតទៅកាន់កោះ ដាច់ស្រយាលមួយ នៅឆកសមុទ្របេងហ្គាល់នៅសប្តាហ៍នេះ ទោះបីមានការរិះគន់ពីក្រុម សិទិ្ធមនុស្សដែលមានការព្រួយបារម្ភអំពីគ្រោះមហន្តរាយដូចជាព្យុះ និងទឹកជំនន់ នៅតំបន់នោះក៏ដោយ។នេះបើយោងតាមការចុះផ្សាយរបស់សារព័ត៌មាន រយទ័រនៅថ្ងៃទី ២៨ ខែមករា ឆ្នាំ២០២១។
ប្រទេសបង់ក្លាដែស បានផ្លាស់ទីលំនៅជនភៀសខ្លួនប្រហែល ៣៥០០នាក់មកពីប្រទេស ជិតខាងមីយ៉ាន់ម៉ា ពីជំរុំព្រំដែនដែលមានប្រជាជនរាប់លាននាក់រស់នៅ ទៅកាន់កោះ Bhasan Char ចាប់តាំងពីដើមខែធ្នូរួចមកហើយ។
ក្រុមជនជាតិភាគតិចរ៉ូហ៊ីងយ៉ា ជាក្រុមជនភៀសខ្លួនដែលបានភៀសខ្លួនចេញពីអំពើហឹង្សា នៅក្នុងប្រទេសមីយ៉ាន់ម៉ាដែលកាន់ព្រះពុទ្ធសាសនាភាគច្រើន។
