អភិបាលខណ្ឌដង្កោចុះថ្លែងអំណរគុណប្រជាពលរដ្ឋនៅ សង្កាត់ជើងឯក ,បានបោះឆ្នោតគាំទ្រគណបក្សប្រជាជនកម្ពុជា
ភ្នំពេញ៖នៅព្រឹកថ្ងៃទី១៥ ខែសីហា ឆ្នាំ២០១៨ លោក នុត ពុធដារ៉ា ជំនួយការសម្តេចតេជោ នាយករដ្ឋមន្ត្រី និងជាអភិបាលខណ្ឌដង្កោ បានបន្តចុះថ្លែងអំណរគុណបងបប្អូនប្រជាពលរដ្ឋនៅ សង្កាត់ជើងឯក ដែលបានបោះឆ្នោតគាំទ្រគណបក្សប្រជាជនកម្ពុជា ទទួលបានជ័យជម្នះយ៉ាងភ្លូកទឹកភ្លូកដីរហូតដល់ទៅ៧១,២១ភាគរយនៃចំនួនអ្នកបានបោះឆ្នោតសរុប។
ក្នុងនោះលោកអភិបាលខណ្ឌក៏បានសំណេះសំណាលសួរសុខទុក្ខ បងប្អូនប្រជាពលរដ្ឋនៅសង្កាត់ជើងឯក និងទទួលយកសំណើ សំណូមពរ ព្រមទាំងបញ្ហានានារបស់ប្រជាពលរដ្ឋមកដោះស្រាយឲ្យបានទាន់ពេលវេលាបើសំណូមណាសាលាខណ្ឌអាចដោះស្រាយបានដោះជូនភ្លាមតែបើរឿងនិងសំណើរណាមិនអាចដោះស្រាយបាននៅថ្នាក់ខណ្ឌលោកនឹងលើកយកសំណូមពរនេះទៅដាក់ជូនលោកអភិបាលរាជធានីភ្នំពេញជួយដោះស្រាយបន្តទៀត៕
