សម្លាប់បុរសម្នាក់ប្លន់យកទ្រពសម្បត្តិ រួចយកទៅបោះចោលក្នុងដីឡូត៍សង្ស័យថាជាករណីឃាតកម្ម
ភ្នំពេញ ៖ បុរសម្នាក់ដែលគេស្គាល់ថាជាអ្នកបើកហាងលក់បាយត្រូវបានជនមិនស្គាល់មុខវាយប្លន់រួចអារកសម្លាប់យកទៅបោះចោលក្នុងដីឡូត៍បង្កការភ្ញាក់ដល់ប្រជាពលរដ្ឋជិតខាង។
ហេតុការណ៍ភ្ញាក់ផ្អើលនេះកើតឡើងនៅវេលាម៉ោង ៦និង៣០នាទីល្ងាចថ្ងៃសៅរ៍ទី១៣ ខែមីនាឆ្នាំ២០២១ ស្ថិតនៅតាមបណ្តោយផ្លូវថៃហ្គ័រ ចំណុចជិតរោងចក្រថៃហ្គ័រ ក្នុងភូមិតាព្រហ្ម សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។
សពជនរងគ្រោះ ឈ្មោះសៅរ៍ស្រឿន អាយុ៣៧ ឆ្នាំមុខរបរមើលការខុសត្រូវខាងគ្រឿងចក្រ ។
បើយោងតាមប្រភពព័ត៌មានពីបងប្រុសរបស់ជនរងគ្រោះបានរៀបរាប់ឲ្យដឹងថាមុនពេលកើតហេតុជនរងគ្រោះបានបាត់ចេញពីផ្ទះ២ថ្ងៃទៅហើយគាត់បានព្យាយាមដើររកដែរតែមិនដឹងដំណឹងសោះ ស្រាប់តែដល់ថ្ងៃកើតហេតុខាងលើបានប្រជាពលរដ្ឋរស់នៅជិតកន្លែងកើតហេតុមានសភាពធំុក្លិនស្អុយរួចក៏នាំគ្នាចេញទៅមើលស្រាប់តែឃើញសពជនរងគ្រោះដេកស្លាប់ក្នុងដីឡូត៍ដោយសភាពស្នាមអារករួចបាននាំគ្នារត់ទៅប្រាប់អាជ្ញាធរមានសមត្ថកិច្ចឲ្យចុះមកពិនិត្យជុំវិញកន្លែងកើតហេតុភ្លាមៗ រួចបានយកខ្សែហ៊ុមព័ទ្ធជុំវិញសព។
ក្រោយពេលកើតហេតុខាងលើសមត្ថកិច្ចមូលដ្ធានចុះមកដល់រួចរាយការណ៍ទៅខាងជំនាញកោសល្យវិច្ច័យឲ្យចុះមកពិនិត្យភ្លាមៗ ដោយមិនទាន់បញ្ជាក់ថាស្លាប់ដោយសារអ្វីឲ្យពិតប្រាកដ៕
