ថ្ងៃទី១៣ ខែមីនា មានករណីវិជ្ជមានវីរុសកូវីដ-១៩ ថ្មីចំនួន ៤១នាក់ និងមានអ្នកជាសះស្បើយចំនួន ២៤នាក់
ភ្នំពេញ៖ ក្រសួងសុខាភិបាល បានឲ្យដឹងថា រហូតដល់ម៉ោង ០៨និង២០ ព្រឹក ថ្ងៃទី ១៤ មីនា ២០២១ រកឃើញករណីជំងឺកូវីដ-១៩ សរុបចំនួន ៣១នាក់ ឆ្លងសហគមន៌ទាំងអស់ និងមានជាសះស្បើយ ២៤នាក់ ។ ដូច្នេះចំនួនករណីជំងឺកូវីដ-១៩សរុបកើន ១៣០៥នាក់ ចំនួនសំរាកពេទ្យ ៦៥៦នាក់ និងចំនួនជាសះស្បើយសរុបកើន ៦៤៧នាក់ និង ស្លាប់សរុប ១នាក់ ។
ជំងឺកូវីដ-១៩ នៅតែបន្តគម្រាមកំហែងយើងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបើមិនចាំបាច់ ព្រោះប្រទេសយើងកំពុងរាត្បាតក្នុងសហគមន៍ហើយ និងប្រទេសជិតខាងយើងនិងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡើយ ។
យើងត្រូវបន្តគម្លាតបុគ្គលបន្តទៀត ដូចជាអង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នា ។ ល។
យើងត្រូវបន្តពាក់ម៉ាស់ជាប់ជានិច្ច និងឧស្សាហ៍លាងដៃជាមួយសាប៊ូ អាល់កុល ឬជែល ៕
