គ្រោះថ្នាក់ចរាចរថ្ងៃទី១៦ ខែសីហា ឆ្នាំ២០១៨ ស្លាប់៦នាក់ របួស៨នាក់
ភ្នំពេញ ៖ យោងតាមរបាយការពីនាយកដ្ឋានចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី១៦ ខែសីហា ឆ្នាំ២០១៨ មានហេតុការណ៍គ្រោះថ្នាក់ចរាចរ នៅទូទាំងប្រទេសកើតឡើងចំនួន ៨លើក(យប់៣លើក) បណ្តាលឲ្យស្លាប់ ៦នាក់(ស្រី៣នាក់) របួសធ្ងន់ ៦នាក់(ស្រី១នាក់) របួសស្រាល ៣នាក់ មិនពាក់មួកសុវត្ថិភាពពេលគ្រោះថ្នាក់ ៣នាក់ ។
នៅក្នុងករណីគ្រោះថ្នាក់ចរាចរណ៍ទាំង ៨លើកនេះ បានបង្កឲ្យមានការខូចខាតយានយន្តសរុប ១៤គ្រឿង ក្នុងនោះមានម៉ូតូ ៦គ្រឿង រថយន្តតូច ៣គ្រឿង រថយន្តធំ ៣គ្រឿង និងគោយន្ត ២គ្រឿង ។ មូលហេតុដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ គឺបណ្តាលមកពី ល្បឿន ៤លើក(ស្លាប់២នាក់) ស្រវឹង ១លើក ប្រជែង ១លើក(ស្លាប់៣នាក់) មិនគោរពសិទ្ធិ ១លើក និងមិនប្រកាន់ស្តាំ ១លើក(ស្លាប់១នាក់) ។គ្រោះថ្នាក់នៅលើដងផ្លូវ មានផ្លូវជាតិ ៤លើក ផ្លូវខេត្ត ៣លើក និងផ្លូវលំ ១លើក ។ ដោយឡែក យានយន្តដែលបង្កហេតុ រួមមាន ម៉ូតូ ៥លើក រថយន្តតូច ១លើក និងរថយន្តធំ ១លើក និងគោយន្ត ១លើក ។ខេត្ត-រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ៖ ខេត្តព្រះវិហារ ១លើក ស្លាប់៣នាក់(ស្រី២នាក់) របួស៤នាក់(ស្រី១នាក់) ព្រះសីហនុ ១លើក ស្លាប់១នាក់ របួស១នាក់ ព្រៃវែង ១លើក ស្លាប់១នាក់(ស្រី) និងខេត្តមណ្ឌលគិរី ១លើក ស្លាប់១នាក់ ។
របាយការណ៍គ្រោះថ្នាក់ចរាចរណ៍ផ្លូវគោកទូទាំងប្រទេស រយៈពេល១៦ គឺថ្ងៃទី១-១៦ ខែសីហា ឆ្នាំ២០១៨ កើតឡើងចំនួន ១២៥លើក បណ្តាលឲ្យមនុស្សស្លាប់ចំនួន ៦៧នាក់ របួសសរុប ១៤៨នាក់ របួសធ្ងន់ ៩៩នាក់ របួសស្រាល ៤៩នាក់ ៕