ប្តីតាមទាន់ប្រពន្ធមានសហាយ ជាមួយប្រុសក្មេង នៅតូបកាត់សក់
ខេត្តបាត់ដំបង ៖ តាមប្រភពគណនីហ្វេសហ្វេសប៊ុកមួយមានឈ្មោះ ថា Phalla Battambang (ផល្លា បាត់ដំបង) បានបង្ហោះវីដេអូមួយដែលបានរៀបរាប់ថា ប្តីតាមទាន់ប្រពន្ធមានសហាយជាមួយប្រុសក្មេង នៅតូបកាត់សក់ ភូមិក្ដោង ឃុំភ្នំសំពៅ ស្រុកបាណន់ ចាប់បានបញ្ជូនទៅប៉ុស្តិ៍ភ្នំសំពៅ ទាំងយប់វេលាម៉ោង 10 យប់30 នាទីថ្ងៃទី 16 ខែ 8 ឆ្នាំ2018។
ដោយការរស់នៅមិនចុះសម្រុងគា្នរវាងប្ដី-ប្រពន្ធ ក៏បានធ្វើឱ្យបុរសជាប្ដីមានការសង្ស័យទៅលើប្រពន្ធថា អាចលួចមានសាហាយស្មន់ជាមួយប្រុសថ្មី ហើយការព្យាយាមតាមដានពីសកម្មភាពប្រពន្ធ ប្ដីតាមទាន់ ធ្វើឱ្យមានការភ្ញាក់ផ្អើល។
លោកម៉ី ឆេងលី នាយប៉ុស្ដ៍នគរបាលឃុំភ្នំសំពៅបានឱ្យដឹងថា ស្ត្រីផិតក្បត់ប្តី ឈ្មោះសៀង ស៊ីណូ អាយុ៣០ឆ្នាំ រីឯស្វាមីឈ្មោះអាំ ផល្លា អាយុ៣៣ឆ្នាំ ទាំង២នាក់មានកូនប្រុស-ស្រី២នាក់ រស់នៅភូមិកំប៉ូវ ឃុំភ្នំសំពៅ ស្រុកបាណន់ ។ ដោយឡែក បុរសជាសហាយស្មន់ ឈ្មោះទូច ប្រុស អាយុ២៥ឆ្នាំ ជាជាងកាត់សក់ រស់នៅភូមិក្ដោង ឃុំភ្នំសំពៅ។
នៅចំពោះមុខសមត្ថកិច្ច បុរសជាប្ដីបាននិយាយនៅមុខប្រពន្ធនិងប្រុសក្មេងនោះថា ខ្ញុំមិនវាយដំបង្កឱ្យមានរបួសស្នាមអីទេ ព្រោះនាំឱ្យគេប្ដឹងវិញជាប់គុក គឺខ្ញុំគ្រាន់តែចាប់យកមកឱ្យសមត្ថកិច្ចជួយដោះស្រាយតាមផ្លូវច្បាប់ ហើយខ្ញុំក៏មិនប្ដឹងយកឈ្នះចាញ់អីដែរ គ្រាន់តែប្ដឹងលែងលះគ្នា ទុកឱ្យគេមានមុខមាត់ជាមួយប្រុសថ្មីគេចុះ ។ រីឯស្ត្រីជាប្រពន្ធ ក៏បាននិយាយដែរថា កន្លងមក បានសុំលែងលះប្តីស្រួលប្រួល តែខាងភូមិ-ឃុំមិនធ្វើការឱ្យនោះទេ ៕
