ក្រឡាប់តែឡានធ្លាក់ចូលប្រឡាយ តៃកុងអត់អី

កណ្ដាល៖លោកអធិការប៉ូលិសស្រុកកៀនស្វាយព្រុំ សំណាង បានអោយដឹងថា កាលពីព្រឹកថ្ងៃទី២៨ ខែឧសភាឆ្នាំ២០២១នេះ មានករណីគ្រោះថ្នាក់ចរាចរណ៍មួយ បានកើតឡើងនៅលើផ្លូវលេខ១១៦A ហៅផ្លូវស្រែអម្ពិល ដោយមានរថន្តដឹកទំនិញមួយគ្រឿង ពាក់ស្លាកលេខ ត្បូងឃុំ4A 1509បើកបរយ៉ាងលឿនដូចហោះ ពីទិសខាងត្បូងទៅជើង ពេលមកដល់ចំនុចភូមិស្រែអំពិល ឃុំឈើទាល ស្រុកកៀនស្វាយ ខេត្តកណ្តាល ក៏បានច្រលចង្កូតធ្លាក់ ចូលទៅមាត់ប្រឡាយចំហៀងផ្លូវក៏ បណ្តាលអោយរថយន្តក្រឡាប់ផ្អៀងកង់ម្ខាង នៅជិតមាត់ប្រឡាយ ក្បែរចញ្ចើមផ្លូវ ។

ចំពោះករណីនេះ មិនបណ្តាលអោយប៉ះពាល់ និងរងរបួសដល់អ្នកបើកបរអ្វីឡើយ។
មហាជននិយាយថា ចំពោះផ្លូវលេខ១១៦A ហៅផ្លូវស្រែអម្ពិល ដែលតភ្ជាប់ពីកំណាត់ផ្លូវកៅស៊ូលេខ១១០ ឃុំឈើទាលមកកំណាត់ផ្លូវជាតិលេខ១ ឃុំដីឥដ្ឋស្រុកកៀនស្វាយ ខេត្តកណ្ដាល នាសព្វថ្ងៃនេះក្រុមតៃកុងឡានដឹកទំនិញ ដែលតកន្តុយទ្រុងវែងៗ និងឡានដឹកដីធុនធំ បានបើកបោះពួយយ៉ាងលឿនដូចហោះ ដោយគ្មានសំចៃឡើយ ហើយការបើកបរលឿនៗ ដូចនេះគឺវាប្រឈមបញ្ហាគ្រោះថ្នាក់សម្បើមណាស់ ចំពោះអ្នកប្រើប្រាស់ផ្លូវជាមួយគ្នា និងកូនចៅអ្នកស្រុក រស់នៅអមសងខាងផ្លូវខាងលើនេះ។ដូចនេះសូមគណៈបញ្ជាការឯកភាពស្រុកកៀនស្វាយ គួរពិនិត្យមើលបញ្ហានេះផង ចៀសវាងបង្កគ្រោះថ្នាក់ ដោយយថាហេតុដល់ មនុស្សទូទៅនិងស្នើក្រុមសមត្ថកិច្ចជំនាញ ចុះពិនិត្យណែនាំដល់តៃកុងឡាន ដែលបើកបរលឿនៗ នៅលើកំណាត់ផ្លូវខាងហើយ ស្នើបើកបរគោរពច្បាប់ចរាចរណ៍ផ្លូវគោកផង ដើម្បីសុវត្ថិភាពទាំងអស់គ្នា៕ដោយសុវណ្ណភូមិ