ប្ដីតាមទាន់ប្រពន្ធ នាំសាហាយ ចូលដេកផ្ទះសំណាក់! ប្ដឹងប៉ូលិសឃាត់ខ្លួន

កណ្ដាល៖ សមត្ថកិច្ចបានអោយដឹងនៅថ្ងៃ៣០ខែឧសភានេះថា ករណី៖ អំពេីផិតកាលពីព្រលប់ថ្ងៃ២៩ខែឧសភាឆ្នាំ២០២១នេះ នៅចំណុច ៖ ផ្ទះសំណាក់យីហោសេងឆេង ភូមិកំពង់សំណាញ់១ សង្កាត់កំពង់សំណាញ់ ក្រុងតាខ្មៅ  ខេត្តកណ្តាល ។
ជនរងគ្រោះ(ប្តី)ឈ្មោះសេង ឈិន ភេទប្រុស  អាយុ៤១ឆ្នាំ  ជនជាតិខ្មែរ  ទីលំនៅភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល, មុខរបរ:លក់គ្រឿងសំណង់។
ជនសង្ស័យ:២នាក់
១-ឈ្មោះជ សៀកមួយ ភេទស្រី  អាយុ៣១ឆ្នាំ ជនជាតិខ្មែរ
ទីលំនៅ:ភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល, មុខរបរ:លក់គ្រឿងសំណង់ ត្រូវជាប្រពន្ធរបស់ជនរងគ្រោះ(ឃាត់ខ្លួន)  ។
២-ឈ្មោះជា ជំនិត ភេទប្រុស អាយុ៤២ឆ្នាំ ទីលំនៅ:ភូមិព្រែកព្នៅ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ, មុខរបរ:លក់គ្រឿងសំណង់ ជាប្រុសសាហាយ(ឃាត់ខ្លួន)។
វត្ថុតាងចាប់យក៖ រថយន្ត១គ្រឿងម៉ាកford ពណ៌ស សេរីឆ្នាំ២០២១ ពាក់ផ្លាកលេខ កម្ពុជាCHSM7798 ។
ទូរស័ព្ទដៃ២គ្រឿង(ម៉ាកSAMZUNG NOt8 និងម៉ាកiphone7plusពណ៌ខ្មៅ)។
កន្លងមកជនរងគ្រោះជាប្តី និងជនសង្ស័យ ជាប្រពន្ធបានរៀបការ និងចុះសំបុត្រអាពាហ៍ពិពាហ៍ ជាមួយគ្នារយ:ពេល១២ឆ្នាំមកហេីយ រហូតមកដល់បច្ចុប្បន្ននេះ មានកូនបីនាក់ប្រុសពីរនាក់ ស្រី១នាក់ ហេីយក្នុងរយ:ពេលបីឆ្នាំចុងក្រោយនេះ ចេះតែមានភាពរកាំរកូសមិនចុះសម្រុងនឹងគ្នា ដោយមានការសង្ស័យ ទៅលេីប្រពន្ធថាមានសាហាយ ទេីបជនរងគ្រោះជាប្តីបាន ដាក់ប្រព័ន្ធGPS ជាប់រថយន្តម៉ាកford ដែលប្រពន្ធជិះ។ លុះដល់ថ្ងៃកេីតហេតុខាងលេី ជនសង្ស័យជាប្រពន្ធបាន សុំជូនម្តាយទៅលេងស្រុកកំណេីត ដោយមានការសង្ស័យ ជនរងគ្រោះជាប្តីក៏បានតាមដាន ប្រពន្ធតាមរយ:ប្រព័ន្ធGPSដែលដាក់ជាប់រថយន្ត ទើបឃេីញប្រពន្ធនាំប្រុសសាហាយ ទៅដេកនៅផ្ទះសំណាក់យីហោសេងឆេង រួចហើយបានប្តឹងសមត្ថកិច្ច អោយចុះធ្វេីការឃាត់ខ្លួន យកមកសាកសួរនៅប៉ុស្តិ៍កំពង់សំណាញ់ រួចបញ្ជូនបន្តរមកកាន់ អធិការដ្ឋាននគរបាលក្រុងតាខ្មៅ ដេីម្បីចាត់ការបន្តរតាមនីតិវិធី៕