នគរបាលខណ្ឌប្ញស្សីកែវ ឃាត់ខ្លួន ចោរគាស់បង្អួចលួចសម្ភារៈម្នាក់

ភ្នំពេញ ៖ ជនសង្ស័យម្នាក់ ត្រូវបាន សមត្ថកិច្ចខណ្ឌប្ញស្សីកែវ និងប៉ុស្តិ៍ ឃាត់ខ្លួនបានភ្លាមៗ បន្ទាប់ពីធ្វើសកម្មភាព លួចឆ្កឹះសោរបន្ទប់លួច សម្ភារ:មិនបានសម្រេច នាថ្ងៃទី១២ ខែមិថុនា ឆ្នាំ២០២១ វេលាម៉ោង១០ និង១៥នាទី នៅចំណុចមុខផ្ទះលេខ64H ផ្លូវលំ ក្រុមទី១០ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ ។

លោកអធិការខណ្ឌ ហ៊ាង ថារ៉េត បានអោយដឹងថា ជនសង្ស័យឈ្មោះលេង ផលលាង ហៅលាង ភេទប្រុស ជនជាតិខ្មែរ អាយុ31ឆ្នាំ របរមិនពិតប្រាកដ ស្នាក់នៅផ្ទះ ភូមិក្រោលគោ សង្កាត់គីឡូម៉ែតរ6 ខណ្ឌឫស្សីកែវ (មានសារធាតុញៀន)។ ក្នុងនោះ សមត្ថកិច្ចដកហូតវត្ថុតាង រួមមាន ៖ ដែកសួលកែឆ្នៃសំរាប់ឆ្កឹះសោរចំនួន២សសៃ ។

ចំណែកជនរងគ្រោះឈ្មោះ ជា បូរ៉ា ហៅធំ ភេទប្រុស អាយុ33ឆ្នាំ ស្នាក់នៅផ្ទះលេខ64H ផ្លូវលំ ភូមិក្រោលគោ សង្កាត់គីឡូម៉ែត្រ៦ ខណ្ឌឫស្សីកែវ ។

បើតាមសមត្ថកិច្ច បានអោយដឹងថា នៅថ្ងៃទី១២ ខែមិថុនា ឆ្នាំ២០២១ វេលាម៉ោង១០ និង១៥នាទី មានករណីឆ្កឹះសោរបន្ទាប់លួចសម្ភារ:ចំណុចកើតហេតុខាងលើ ពេលនោះអ្នកជិតខាង ឃើញបានទូរសព្ទ័ប្រាប់ ជនរងគ្រោះដែល កំពុងធ្វើការនៅខាងក្រៅ ហើយជនសង្សយ័បាន រត់គេចខ្លួនបាត់ ក្រោយពីទទួល ពាក្យបណ្តឹងរបស់ជនរងគ្រោះ កំលាំងសមត្ថកិច្ចខណ្ឌ ប៉ុស្តិ៍ បានធ្វើការស្រាវជ្រាវឈាន ដល់ឃាត់ខ្លួនបានជនសង្សយ័ភ្លាមៗ ព្រមទាំងវត្ថុតាង នៅវេលាម៉ោង១២ ថ្ងៃខែឆ្នាំដដែលនៅ ចំនុចក្បែរកន្លែងកើតហេតុ។

បច្ចុប្បន្នជនសង្ស័យ និងវត្ថុតាងបាន កសាសំណុំរឿងបញ្ជូនទៅ សាលាដំបូងរាជធានីភ្នំពេញ អនុវត្តទៅតាមនីតិវិធីច្បាប់ ៕