ឡានបុកឡាន របួស៤នាក់ នៅភូមិដីឥដ្ឋកោះផុស

កណ្ដាល៖ សមត្ថកិច្ចប៉ូលិស បានអោយដឹងនៅព្រឹកថ្ងៃទី៤ ខែកក្ដដានេះថា ករណីគ្រោះថ្នាក់ចរាចរណ៍ផ្លូវគោក
រវាងរថយន្តបុកជាមួយរថយន្ត បណ្តាលអោយមនុស្សរងរបួស០៤នាក់ ប្រុស និង ខូចខាតរថយន្ត ០២គ្រឿង កាលពីម៉ោងជិត១១យប់ នាថ្ងៃទី៣ខែកក្កដា ឆ្នាំ២០២១នេះ នៅលើកំណាត់ផ្លូវជាតិលេខ១ ចន្លោះគីឡូម៉ែតលេខ ២៣.២៤ស្ថិត
នៅក្នុងភូមិដីឥដ្ឋកោះផុស៣ ឃុំដីឥដ្ឋ ស្រុកកៀនស្វាយ ខេត្តកណ្តាល។

ប៉ូលិសបន្តទៀតថា នៅថ្ងៃខែឆ្នាំវេលាម៉ោងកើតហេតុខាង លើមានរថយន្តកូរេ ០១គ្រឿងម៉ាក HYUNDAI ពណ៍ស 2,5តោន ពាក់ផ្លាកលេខភ្នំពេញ3B.7104 បើកបរដោយឈ្មោះប៊េន រ័ត្ន ភេទប្រុស អាយុ៤១ឆ្នាំ ជនជាតិខ្មែរ មានទីលំនៅភូមិត្រពាំងទ្រា ឃុំបែកចាន ស្រុកអង្គស្នួល ខេត្តកណ្តាល នឹងអ្នករួមដំណើរ០៣នាក់ទៀត ១/ឈ្មោះតូ ភា ភេទប្រុសអាយុ២០ឆ្នាំ ២/ឈ្មោះសឿន គឹមសល់ ភេទប្រុសអាយុ១៨ឆ្នាំ ៣/ឈ្មោះរ័ត្ន រាត្រី ភេទប្រុសអាយុ១៦ឆ្នាំ ដែលបើកបរមានទិសដៅ ភ្នំពេញ អ្នកលឿង ពេលមកដល់ចំណុចកើតហេតុ ក៏មានរថយន្ត០១គ្រឿងទៀត ម៉ាកលុចសុីស RX330 ពណ៌ស ពាក់ផ្លាកលេខ នគរបាល2.1906 បើកបរដោយបុរសម្នាក់ មិនស្គាល់អត្តសញ្ញាណ បើកបរទិសដៅអ្នកលឿង ភ្នំពេញបើកដល់ចំណុចកើតហេតុ ក៏បានរ៉េរចង្កូតទៅបុករថយន្តHYUNDAI smith បណ្តាលអោយរថយន្តទាំងពីរគ្រឿង ខូចខាតធ្ងន់ អ្នកបើកបរ និងអ្នករួមដំណើរ រងរបួសស្រាល រថយន្តត្រូវបានកំលាំងជំនាញ សណ្តាប់ធ្នាប់ចរាចណ៍ស្រុកកៀនស្វាយ ធ្វើការវាស់វែង យកទៅ រក្សាទុកនៅអធិការដ្ឋាននគរបាលស្រុកកៀនស្វាយ។

ការសន្និដ្ឋានករណីខាងលើ បណ្តាលមកពីអ្នកបើកបររថយន្តលុចសុីសRX330 បើកបរក្នុងល្បឿនលឿន មិនមានការប្រុងប្រយ័ត្ន៕