រថយន្តLexus បើកបុកទម្លុះរបងផ្ទះ ប្រជាពលរដ្ឋ ខ្ទេចមុខស្ទើរទាំងស្រុង

ភ្នំពេញ ÷ នារីរូបស្រស់បានបើករថយន្តLexus HS 250h មួយគ្រឿង ក្នុងល្បឿនលឿន បានជ្រុលចង្កូតទៅបុកទម្លុះ របងផ្ទះប្រជាពលរដ្ឋ បណ្តាលឲ្យបាក់អស់២ផ្ទាំង និងបង្គោលអស់មួយដើម ចំណែកឯរថយន្តបង្កវិញ រងការខូចខាតខ្ទេចផ្នែកខាងមុខស្ទើរទាំងស្រុង កាលពីវេលាម៉ោង៩និង២០នាទីយប់ថ្ងៃទី៧ ខែកក្កដា ឆ្នាំ២០២១ ស្ថិតនៅតាមបណ្តោយផ្លូវចូលកោះនរាហ៍ ក្នុងភូមិឬស្សីស្រស់ ក្នុងសង្កាត់និរោធ ខណ្ឌច្បាអំពៅ រាជធានីភ្នំពេញ។

ប្រភពព័ត៌មានពីប្រជាពលរដ្ឋ នៅកន្លែងកើតហេតុ បានប្រាប់ឲ្យដឹងថា នៅមុនពេលកើតហេតុ គាត់បានឃើញរថយន្តម៉ាក Lexus HS 250h មួយគ្រឿងពណ៌សពាក់ផ្លាកលេខភ្នំពេញ 2-BI 7033 បើកបរដោយនារីមួយក្រុម បានធ្វើដំណើរតាមបណ្តោយផ្លូវកោះនរាហ៍ ក្នុងទិសដៅពីជើងមកត្បូងក្នុងល្បឿនលឿន មិនប្រយ័ត្នបានជ្រុលចង្កូត ទៅបុកទម្លុះរបងទ្វារផ្ទះប្រជាពលរដ្ឋ បាក់អស់២ផ្ទាំង និងបង្គោលមួយដើមទៀត បាក់ទាំងស្រុង ចំណែកម្ចាស់រថយន្តបង្ក និងអ្នករួមដំណើរ បានរងរបួសធ្ងន់និងស្រាល ត្រូវបានរថយន្តសាម៉ុយ ដឹកយកទៅមន្ទីរពេទ្យដើម្បីសង្រ្គោះបន្ទាន់។

សមត្ថកិច្ចផ្នែកជំនាញចរាចរណ៍ ចុះទៅដល់ធ្វើការវាស់វែង យកករថយន្តបង្ក ទៅរក្សាទុកនៅ អធិការដ្ឋាននគរបាលខណ្ឌច្បារអំពៅ៕