បេីករថយន្តបុកកម្មករ ប្រមូលសម្រាម បណ្តាលឲ្យស្លាប់២នាក់ របួសធ្ងន់ម្នាក់ ត្រូវបានសមត្ថកិច្ចបញ្ជូន ទៅសាលាដំបូងរាជធានីភ្នំពេញ
ភ្នំពេញ៖ បុរសម្នាក់ឈ្មោះ នេត នីសា ដែលបានបេីករថយន្តបុកកម្មករប្រមូលសម្រាមបណ្តាលឲ្យស្លាប់២នាក់ របួសធ្ងន់ម្នាក់ ត្រូវបានសមត្ថកិច្ចបញ្ជូនទៅសាលាដំបូងរាជធានីភ្នំពេញនៅវេលាម៉ោង ២:០០នាទី ថ្ងៃទី១២ ខែកក្កដា ឆ្នាំ២០២១នេះ
ការិយាល័យនគរបាលចរាចរណ៍ផ្លូវគោក បានបន្តនីតិវិធី និងមានចំណាត់ការលេីករណីគ្រោះថ្នាក់ចរាចរណ៍កាលពីថ្ងៃទី១២ ខែកក្កដា ឆ្នាំ២០២១ វេលាម៉ោង ០២ និង៤០នាទីរំលងអាធ្រាត ត្រង់ចំណុចមុខធនាគារហត្ថា តាមបណ្តោយមហាវិថីសហព័ន្ធរុស្សី ស្ថិតក្នុងសង្កាត់កាកាប ខណ្ឌពោធិ៍សែនជ័យ ដែលបណ្តាលឱ្យកម្មករប្រមូលសំរាមស្លាប់ចំនួន ០២នាក់ និងរបួសធ្ងន់ចំនួន ០១នាក់ ។
នៅរសៀលថ្ងៃទី១២ ខែកក្កដា ឆ្នាំ២០២១ វេលាម៉ោង ១៤ និង០០នាទីនេះ ការិយាល័យនគរបាលចរាចរណ៍ផ្លូវគោក បានកសាងសំណុំរឿង និងបញ្ជូនជនបង្កគ្រោះថ្នាក់ចរាចរណ៍ឈ្មោះ នេត នីសា ភេទប្រុស មុខរបរនៅផ្ទះ ស្នាក់នៅភូមិគោកឃ្លាង២ សង្កាត់ក្រាំងធ្នង់ ខណ្ឌសែនសុខ ទៅសាលាដំបូងរាជធានីភ្នំពេញ ដើម្បីអនុវត្តបន្តនីតិវិធីច្បាប់ ។
សូមបញ្ជាក់ថា កម្មករប្រមូលសំរាម៣នាក់ត្រូវបានបាត់បង់ជីវិត២នាក់ក្នុងថ្លុកឈាមនិងម្នាក់ទៀតបានរងរបួសធ្ងន់ខណះពេលកំពុងប្រមូលសំរាមតាមដងផ្លូវត្រូវរថយន្តបើកទៅបុកពីក្រោយប៉ើងទៅមុខជាច្រើនម៉ែត្រស្លាប់យ៉ាងអាណោចអាធ័ម ចំណែកឯរថយន្តបង្កព្យាយាមបើករត់ទៅមុខតែត្រូវសមត្តកិច្ចតាមឃាត់បានទាំងតៃកុងនិងរថយន្ត។
ហេតុការណ៍គ្រោះថ្នាក់ចរាចរណ៍ដ៏រន្ធត់នេះដែរបានកើតឡើងកាលពីវេលាម៉ោង ២ និង ១៥នាទីយប់រំលងអាធ្រាត្រឈានចូលថ្ងៃទី១២ ខែកក្កដាឆ្នាំ ២០២១ ស្ថិតនៅតាមបណ្ដោយផ្លូវសហព័ន្ធរុស្ស៊ី ចំណុចទល់មុខនឹងផ្សារពូចិនតុងក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
សពជនរងគ្រោះពីរនាក់និងអ្នករងរបួសម្នាក់ទៀតនៅមិនទាន់ស្គាល់អត្តសញ្ញាណនៅឡើយទេ។ តែដឹងថាពួកគាត់ជាកម្មករប្រមូលសំរាម។
យោងតាមប្រភពព័ត៌មានពីប្រជាពលរដ្ឋនៅកន្លែងកើតហេតុបានប្រាប់ឲ្យដឹងថានៅមុនពេលកើតហេតុគាត់បានឃើញរថយន្តស៊ីនទ្រីប្រមូលសំរាមគ្រឿងក្បាលព៍ណសពាក់ស្លាក I T 1093 កំពុងតែដើប្រមូលសំរាមនៅតាមបណ្តោយផ្លូវសហព័ន្ធរុស្សុី ខះពេលប្រមូលដល់ចំណុចកើតហេតុជាប់និងផ្សាពោធិចិនតុង ស្រាប់តែមានរថយន្តមួយគ្រឿងទៀតម៉ាកCRV ព៍ណស ពាក់ផ្លាកលេខ ភ្នំពេញ 2-AN 4634 បើកបដោយយុវជនមួយក្រុមបានធ្វើដំណើរតាមបណ្តោយផ្លូវសហព័ន្ធរុស្សុីស្របគ្នាមកបុកពីក្រោយចំយុវជន៣នាក់កំពុងប្រមូលសំរាមពេញទំហឹងប៉ើងខ្ទាតទៅមុខជាច្រើនម៉ែត្របណ្តាលឲ្យបែកសាច់ខ្ទាតចេញពីខ្លួនស្លាប់យ៉ាងអាណោចអាធ័ម។ ចំណែកឯយុមួយក្រុមនៅក្នុងរថយន្តបង្កបើកទ្វាររត់បាត់អស់ឃាត់បានតែតៃកុង៕
