ឧត្តមសេនីយ៍ សែម សុវណ្ណនី៖ ចុះទៅពិនិត្យ ការហ្វឹកហ្វឺនរបស់កម្លាំងមួកខៀវកម្ពុជា ត្រៀមចេញទៅបំពេញបេសកកម្មអង្គការសហប្រជាជាតិនៅសាធារណៈរដ្ឋម៉ាលី

កំពង់ស្ពឺ៖ ឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព នៅថ្ងៃទី១២ កក្កដា ២០២១ បានចុះទៅពិនិត្យ ការហ្វឹកហ្វឺនរបស់កម្លាំងមួកខៀវកម្ពុជា ត្រៀមចេញទៅបំពេញបេសកកម្មអង្គការសហប្រជាជាតិនៅសាធារណៈរដ្ឋម៉ាលី ទី១.លើជំនាញកម្ទេចគ្រាប់មិនទាន់ផ្ទុះ និងគ្រាប់កែច្នៃ ដែលមានមន្ត្រីរបស់អង្គការសហប្រជាជាតិ មកពីប្រទេសម៉ាលី ធ្វើការបណ្តុះ បណ្តាលផ្ទាល់។ ទី២ ហ្វឹកហ្វឺនជំនាញវិស្វកម្ម ដែលកម្លាំងមួកខៀវកម្ពុជា នឹងចេញបេសកកម្ម នៅពាក់ កណ្តាលខែកញ្ញា ឆ្នាំ២០២១។
បន្ទាប់ពីពិនិត្យការហ្វឹកហ្វឺនលើជំនាញទាំង២ខាងលើនេះ លោក អគ្គនាយក ចុះទៅ ពិនិត្យមើលបន្ទប់សម្រាប់ព្យាបាលអ្នកជំងឺកូវីដ.១៩ និងបន្ទប់ចត្តាឡីស័ក និងពិនិត្យមើលការសាងសង់របងនិងទីតាំងសម្រាប់ត្រៀមវគ្គបណ្តុះបណ្តាល និងហ្វឹកហ្វឹនជំនាញរក្សាសន្តិភាព ត្រីភាគី ដែលកម្ពុជាធ្វើជាម្ចាស់ផ្ទះ ៕
សំរិត