នគរបាលខណ្ឌប្ញស្សីកែវ ឃាត់ខ្លួនជនសង្ស័យកាច់សោ-ក ម៉ូតូ ២នាក់ នៅសង្កាត់ស្វាយប៉ាក

ភ្នំពេញ ៖ នគរបាលខណ្ឌប្ញស្សីកែវ បានឃាត់ខ្លួនជនសង្ស័យកាច់សោ-ក ម៉ូតូ ២នាក់ កាលវេលាថ្ងៃត្រង់ នៅថ្ងៃទី០៤ ខែកញ្ញា ឆ្នាំ ២០២១ ចំណុផ្ទះគ្មានលេខ ផ្លូវជាតិលេខ៥ ក្រុម៣ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ ។

លោក ហ៊ាង ថារ៉េត អធិការខណ្ឌ បានបញ្ជាក់ថា ជនរងគ្រោះឈ្មោះ យាប ណៃយាង ភេទប្រុស អាយុ៣៥ ឆ្នាំ ជនជាតិខ្មែរ ទីលំនៅ ផ្ទះគ្មានលេខ ផ្លូវជាតិលេខ៥ ក្រុម៣ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ ។ ម៉ូតូដែលចោរកាច់ក បំរុងលួច ប្រភេទហុងដា សេ១២៥ ពណ៌ខ្មៅ ពាក់ស្លាកលេខ ភ្នំពេញ១AU ៤២៦១ ។

ចំណែកជនសង្ស័យ០២នាក់ ម្នាក់ឈ្មោះ លន សុខចាន់ ភេទប្រុស អាយុ២៩ឆ្នាំ ជនជាតិខ្មែរ មានទីលំនៅ ភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ មុខរបរមិនពិតប្រាកដ (មានសារធាតុញៀន) អវិជ្ជមានកូវីត១៩។ និងម្នាក់ទៀត ឈ្មោះ សេង វណ្ឌី ភេទប្រុស អាយុ២១ឆ្នាំ ជនជាតិខ្មែរ មានទីលំនៅ ភូមិដួង សង្កាត់ព្រែកព្នៅ ខណ្ឌព្រែកព្នៅ មុខរបរមិនពិតប្រាកដ (មានសារធាតុញៀន) អវិជ្ជមានកូវីត១៩។

សំភារៈដកហូត រួមមាន ៖ ម៉ូតូ០១គ្រឿងម៉ាកអាយខុនពណ៌ស លាយក្រហម ពាក់ស្លាកលេខ ភ្នំពេញ ១BI ៨៧០០ និងដែកសំប៉ែតចុងស្រួចចំនួន០១ ។
បើតាមនគរបាលមូលដ្ឋាន បានអោយដឹងថា មុនពេលកើតហេតុ នៅថ្ងៃទី ខែ ឆ្នាំ នៅវេលាម៉ោងខាងលើ ជនរងគ្រោះបានទុកម៉ូតូនៅខាងមុខផ្ទះ ហើយដើរចូលផ្ទះ ក៏ត្រូវជនសង្ស័យ មកធ្វើសកម្មភាពកាច់សោ-ក ម៉ូតូ និងបានលឺសម្លេងបញ្ឆេះម៉ូតូតែម្តង ហើយជនរងគ្រោះស្រែកឆោឡោ ហៅគេឲ្យជួយ ខណៈនោះកំលាំងយើងកំពុងធ្វើការល្បាតក៏បានអន្តរាគមន៍ឃាត់ខ្លួនតែម្តង។

បច្ចុប្បន្ន ជនសង្ស័យត្រូវបានបញជូនទៅអធិការខណ្ឌ ដើម្បីកសាងសំណុំរឿងបញ្ជូនទៅតុលាការ អនុវត្តន៍តាមនីតិវិធី ៕