ដេប៉ូប្រេងឥន្ធនៈចំនួន១១ ស្ថិតក្នុងខេត្តបាត់ដំបង ខេត្តស្វាយរៀង ខេត្តតាកែវ ខេត្តព្រៃវែង ខេត្តឧត្តរមានជ័យ និងខេត្តកណ្តាល ត្រូវបានមន្ត្រី ក.ប.ប. ចាត់វិធានការតឹងរឹង

តាកែវ៖ ចាប់ពីថ្ងៃទី៨ រហូតដល់ថ្ងៃទី១០ ខែកុម្ភៈ ឆ្នាំ២០២២ ដេប៉ូប្រេងឥន្ធនៈចំនួន១១ទីតំាង ស្ថិតក្នុងស្រុករុក្ខគិរី និងស្រុកមោងឬស្សី ស្រុករមាសហែក ស្រុកទ្រាំង ស្រុកស្វាយអន្ទរ និងក្រុងព្រៃវែង ស្រុកអន្លង់វែង ស្រុកអង្គស្នួល និងស្រុកកណ្តាលស្ទឹង ក្នុងចំណោម ៣៧ស្ថានីយ/ដេប៉ូដែលបានត្រួតពិនិត្យ
ត្រូវបានមន្ត្រី ក.ប.ប. ប្រចាំនៅក្នុងខេត្តទំាង៦ខាងលើ រកឃើញភាពមិនលោមក្នុងអាជីវកម្ម ក្នុងគោលដៅកេងចំណេញផលប្រយោជន៍ពីអ្នកប្រើប្រាស់ ដូចនេះចំពោះដេប៉ូដែល ប្រព្រឹត្តលើ្មសនឹងច្បាប់ខាងលើត្រូវបានមន្ត្រីជំនាញធ្វើការពិន័យអន្តរការណ៍ភ្លាមៗនៅនឹងកន្លែង ដើម្បីជាការដាស់តឿន ក៏ដូចជាបញ្រ្ជាបការយល់ ដឹងដល់ធុរជនប្រេងឥន្ធនៈឱ្យបានយល់អំពីច្បាប់។