អាជ្ញាធរថៃ ចាប់បានពលរដ្ឋខ្មែរ លួចឆ្លងដែនចំនួន១២៧នាក់
ថៃ៖ សូមបងប្អូនកុំលួចឆ្លងដែនខុសច្បាប់ទៀត នៅថ្ងៃទី២៦ ខែ មេសា ឆ្នាំ២០២២ ម៉ោង ៩ព្រឹក
អាជ្ញាធរថៃ បានចាប់ករណីពលរដ្ឋខ្មែរលួចឆ្លងដែន ខុសច្បាប់ចំនួន ១២៧ករណី នៅភូមិលេខ៧ ឃុំប៉ានសឿក ស្រុកអារញ្ញខេត្តស្រះកែវ។
តាមការសាកសួរ ពលរដ្ឋខ្មែរទាំងអស់នោះមកពីខេត្តបន្ទាយមានជ័យ ខេត្តបាត់ដំបង ខេត្តតាកែវ ខេត្តព្រៃវែង ខេត្តសៀមរាប ចង់ធ្វើដំណើរទៅ ធ្វើការក្នុងតំបន់ ទីក្រុងបាងកក ខេត្តឈុនបុរី ខេត្តរ៉ាក់យ៉ង និងខេត្តនន់ថាបុរី។
សមត្ថកិច្ចបានឃាត់ខ្លួនបញ្ជូនទៅកាន់ប៉ុស្តិ៍នគរបាលដើម្បីចាត់ការបន្តតាមផផ្លូវច្បាប់៕
