ប្រទេសជប៉ុន នឹងមានវិធានការ កាត់ផ្តាច់ការនាំចូលប្រេង ពីរុស្ស៊ីបន្តិចម្តងៗ

បរទេស ៖នាយករដ្ឋមន្ត្រីជប៉ុនលោក Fumio Kishida និយាយថា ប្រទេស​របស់​លោកនឹងដាក់បម្រាមលើការនាំចូល ប្រេងឆៅរបស់រុស្ស៊ី ក្នុងគោល​ការណ៍ដើម្បីបង្ហាញសាមគ្គីភាពជាមួយក្រុមប្រទេស G7 ក្នុងកិច្ចប្រឹង​ប្រែងប្រឆាំងការវាយលុករបស់រុស្ស៊ីលើអ៊ុយក្រែន។

ក្រុមប្រទេស G7 រួមមានសហរដ្ឋអាមេរិក កាណាដា ចក្រភពអង់គ្លេស អាល្លឺម៉ង់ បារាំង អ៊ីតាលី និងប្រទេសជប៉ុន។ លោក Kishida និយាយថា នឹងមាន​ដំណើរ​ការបន្តិចម្តងៗនៃការកាត់ផ្តាច់ការនាំចូលប្រេងពីរុស្ស៊ី ខណៈដំណើរការ​ត្រូវការការធានាបានលទ្ធភាពនៃប្រភពថាមពល។