ម្នាក់ស្លាប់ និងម្នាក់ទៀតរងរបួស ដោយគ្រោះថ្នាក់ចរាចរណ៌រវាងរថយន្តនិងម៉ូតូ

ស្រុកព្រៃនប់៖សមត្ថកិច្ចឲ្យដឹងថា មនុស្សម្នាក់បានស្លាប់និងម្នាក់ទៀតរងរបួស ដោយគ្រោះថ្នាក់ចរាចរណ៌រវាងរថយន្តនិងម៉ូតូ នៅវេលាម៉ោង៨យប់ ថ្ងៃទី៩ខែឧសភា ឆ្នាំ២០២២ លើផ្លូវជាតិលេខ៤ចន្លោះគីឡូម៉ែត្រលេខ១៨១.១៨២ ឃុំសំរុង ស្រុកព្រៃនប់ ខេត្តព្រះសីហនុ។

ជនរងគ្រោះជិះម៉ូតូមួយគ្រឿង ម៉ាកឌ្រីមសង់C125 ពណ៌ខ្មៅ ពាក់ស្លាកលេខ ភ្នំពេញ​ GF-8798 បើកបរទិសដៅភ្នំពេញ-ខេត្តព្រះសីហនុ​ បានបុកប៉ះជាមួយនឹងរថយន្តធំមួយគ្រឿង ពាក់ស្លាកលេខ ព្រះសីហនុ 4A- 8198 បើកបរបញ្ច្រាសទិសគ្នា (អ្នកបេីកបររត់គេចខ្លួនបាត់)។

​ គ្រោះថ្នាក់ចរាចរណ៍នេះបណ្ដាលឲ្យអ្នកបេីកបរម៉ូតូឈ្មោះ​ ឡាយ ផាន់នី ភេទ​ ប្រុស អាយុ​ ១៧ឆ្នាំ​ ទីលំនៅភូមិពងទឹក ឃុំស្តេចគង់ ស្រុកបន្ទាយមាស ខេត្តកំពត រងរបួសធ្ងន់ និងអ្នករួមដំណេីរ ឈ្មោះ សុន ដារ៉ា ភេទប្រុស អាយុ៣៤ឆ្នាំ ទីលំនៅភូមិពងទឹក ឃុំស្តេចគង់ខាងជេីង ស្រុកបន្ទាយមាស ខេត្តកំពត ស្លាប់ភ្លាមៗនៅនឹងកន្លែងកេីតហេតុ)។

ក្រោយកើតហេតុ សមត្ថកិច្ចបានចុះអន្តរាគមន៌ និងដោះស្រាយតាមនិតិវិធី៕