រដ្ឋបាលរាជធានី ចេញសារលិខិត ចូលរួមរំលែកមរណទុក្ខ ជូនចំពោះ ឯកឧត្តម ម៉ុក ម៉ារ៉េត

ភ្នំពេញ៖ សារលិខិតចូលរួមរំលកមរណទុក្ខ ជូនចំពោះ ឯកឧត្តម ម៉ុក ម៉ារ៉េត សមាជិករដ្ឋសភា និងជាអ្នកតំណាងរាស្ត្រមណ្ឌលខេត្តតាកែវ ព្រមទាំងក្រុមគ្រួសារ។ យើងខ្ញុំមានសេចក្តីក្រៀមកំ ដ៏ក្រៃលែងដោយទទួលបានដំណឹងថា លោកជំទាវមហាឧបាសិកា ឈា ឡាង ជាភរិយារបស់ ឯកឧត្តម បានទទួលមរណភាព កាលពីថ្ងៃសៅរ៍ ៧កើត ខែពិសាខ ឆ្នាំខាល ចត្វាស័ក ព.ស២៥៦៥ ត្រូវនឹងថ្ងៃទី៧ ខែឧសភា ឆ្នាំ២០២២ វេលាម៉ោង ១១:៤៤នាទី នៅទីក្រុងប៉ារីស ប្រទេសបារាំង ត្រូវនឹងម៉ោង១៦:៤៤នាទី នៅរាជធានីភ្នំពេញ ក្នុងជន្មាយុ ៧០ឆ្នាំ ដោយរោគាពាធ ។

ក្នុងវេលាប្រកបដោយទុក្ខសោកនេះ យើងខ្ញុំ និងក្រុមគ្រួសារ សូមចូលរួមរំលែក មរណទុក្ខដ៏ក្រៀមក្រំបំផុតជាមួយ ឯកឧត្តម ព្រមទាំងក្រុមគ្រួសារ ព្រោះថាការ បាត់បង់រូប លោកជំទាវមហាឧបាសិកា ឈា ឡាង គឺជាការបាត់បង់នូវ ឧត្តមភរិយា ម្តាយបង្កើត ម្តាយក្មេក និងជីដូន ដែលជាអ្នកមានគុណប្រកបដោយ ព្រហ្មវិហារធម៌ដ៏ល្អប្រពៃ ។ រូបកាយរបស់ លោកជំទាវមហាឧបាសិកា ឈា ឡាង បាត់បង់ទៅក៏ពិតមែន ប៉ុន្តែបានបន្សល់ទុក នូវអំពើល្អជាកុសល កិត្តិយស សេចក្តីថ្លៃថ្នូរ និងស្នាដៃការងារល្អៗជាច្រើននៅស្ថិតស្ថេរជានិច្ចនិរន្តរ៍ សម្រាប់កុលបុត ជំនាន់ក្រោយ ។

សូមដួងវិញ្ញាណក្ខន្ធ លោកជំទាវមហាឧបាសិកា ឈា ឡាង បានទៅសោយសុខក្នុងសុគតិភពជានិច្ចរៀងទៅ ។ សូមចូលរួមមរណទុក្ខពី

ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និង លោកជំទាវ ជា ស៊ីណា ឃួង ស្រេង ព្រមទាំងមន្ត្រីរាជការក្រោមឱវាទរដ្ឋបាលរាជធានីភ្នំពេញទាំងអស់ ឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញ និង លោកជំទាវ។