ម្សិលម៉ិញនេះកីឡា៣ប្រភេទ បានចេញដំណើរទៅស៊ីហ្គេម

ភ្នំពេញ៖រសៀលថ្ងៃទី១០ខែឧសភាឆ្នាំ២០២២ម្សិលម៉ិញនេះ ប្រតិភូ កីឡាករ-កីឡាការិនីកម្ពុជា ៣ប្រភេទកីឡា ដែលដឹកនាំដោយឯកឧត្តមវ៉ាត់ចំរើននាយបេសកកម្មនិងជាអគ្គលេខាធិការគណៈកម្មាធិការជាតិអូឡាំពិកកម្ពុជាបានចេញដំណើរដើម្បីទៅចូលរួមប្រកួតព្រឹត្តិការណ៍កីឡាស៊ីហ្គេមលើកទី៣១ដែលនឹងធ្វើពិធីបើកជាផ្លូវការនៅថ្ងៃទី១២ខែឧសភាស្អែកនេះ។
នៅក្នុងដំណើរបំពេញបេសកកម្មចូលរួមព្រឹត្តិការណ៍កីឡាប្រចាំតំបន់ ដែលធ្វើរៀងរាល់២ឆ្នាំម្តងនេះ ក្រុមប្រតិភូអត្តពលិក មានចំនួនសរុប ១២០នាក់ ក្នុងនោះមាន នាយបេសកកម្ម, មន្ត្រីស្រាវជ្រាវ, មន្ត្រីរដ្ឋបាល, មន្ត្រីពេទ្យ ព្រមទាំង កីឡាករ-កីឡាការិនីកម្ពុជា លើកីឡាចំនួន ៣ប្រភេទ រួមមាន កីឡាវាយកូនហ្គោល, កីឡាអេឡិចត្រូនិច និងកីឡាប៉េតង់។

នេះជាបេសកកម្មទ្រង់ទ្រាយធំជាងពេលណាៗទាំងអស់ នៅក្នុងស៊ីហ្គេមលើកទី៣១នេះ ដោយសារនេះជាហ្គេម យុទ្ធសាស្ត្រមុនពេលឆ្ពោះមកទទួលរៀបចំធ្វើជាម្ចាស់ផ្ទះស៊ីហ្គេមបន្ត
វេនលើកទី៣២ នាឆ្នាំ២០២៣ នៅកម្ពុជា។

សម្រាប់ការដឹកជញ្ជូនក្រុមប្រតិភូកីឡាករ កីឡាការិនីកម្ពុជា ត្រូវបានផ្តល់ការហោះហើរ ដោយក្រុមហ៊ុន Cambodia Airways ទាំងទៅទាំងមកដោយឥតគិតថ្លៃ បន្ទាប់ពីទទួលបានការយក ចិត្តទុកដាក់ខ្ពស់ពីសម្តេចតេជោនាយករដ្ឋមន្ត្រី ហ៊ុន សែន៕