គណៈកម្មាធិការគណបក្សខណ្ឌចំការមន បានរៀបចំអង្គមិទ្ទីញ បើកយុទ្ធនាការឃោសនាបោះឆ្នោត ជ្រើសរើសក្រុមប្រឹក្សាសង្កាត់ អាណត្តិទី៥ ឆ្នាំ២០២២ .២០២៧ នៅក្នុងទីក្រុងកោះពេជ្រ

ភ្នំពេញ៖កាលពីព្រឹកថ្ងៃទី២១ ខែឧសភា ឆ្នាំ២០២២ នេះ គណៈកម្មាធិការគណបក្សខណ្ឌចំការមន នៃរាជធានីភ្នំពេញដោយ បានរៀបចំអង្គមិទ្ទីញបើកយុទ្ធនាការឃោសនាបោះឆ្នោតជ្រើសរើសក្រុមប្រឹក្សាសង្កាត់ អាណត្តិទី៥ ឆ្នាំ២០២២ .២០២៧នៅក្នុងទីក្រុងកោះពេជ្រ ។ក្រោមអធិបតីភាព ឯកឧត្តមបណ្ឌិត អ៊ិត សំហេង ប្រធានក្រុមការងារចុះមូលដ្ឋានខណ្ឌចំការមន ដោយមានការចូលរួមពីឯកឧត្តម-លោកជំទាវជាក្រុមការងារចុះជួយមូលដ្ឋានខណ្ឌ-សង្កាត់ទាំង០៥, លោកប្រធានគណៈកម្មាធិការគណបក្សខណ្ឌ, លោក-លោកស្រីសមាជិកគណៈអចិន្ត្រៃយ៍គណបក្សខណ្ឌ-សង្កាត់, លោក-លោកស្រីសមាជិកគណៈកម្មាធិការគណបក្សខណ្ឌ-សង្កាត់ទាំង០៥ និងសមាជិកគណបក្សសង្កាត់-ខណ្ឌ ចំនួនអ្នកចូលរួមសរុប ២,១២០នាក់។

ជាមួយគ្នានោះផងដែរ ក្បួនដង្ហែឃោសនារបស់គណៈកម្មាធិការគណបក្សខណ្ឌ-សង្កាត់ បានហែនៅក្នុងជុំវិញមូលដ្ឋានខណ្ឌចំការមនរហូតដល់ម៉ោង ១០:ហើយតាមក្បួនគណៈកម្មាធិការគណបក្សសង្កាត់ទាំង០៥ បានបំបែកហែចូលទៅក្នុងមូលដ្ឋានសង្កាត់រៀងៗខ្លួន រហូតដល់ម៉ោង ១១:និងវេលាម៉ោង ១៤:០០នាទីរសៀល គណៈកម្មាធិការគណបក្សសង្កាត់ទាំង០៥ និងបន្តយុទ្ធនាការឃោសនាបោះឆ្នោតនៅក្នុងមូលដ្ឋានសង្កាត់រៀងៗខ្លួនទៀត៕