អង្គការឃ្លាំមើលសិទិ្ធមនុស្ស ៖ អារ៉ាប៊ីសាអ៊ូឌីត ព្យាយាមបំបិទការស៊ើបអង្កេត បទឧក្រិដ្ឋកម្មលើយេម៉ែន

មានមនុស្សជាង 10.000 នាក់ត្រូវបានសម្លាប់ ចាប់តាំងពីក្រុមចម្រុះ ដែលដឹកនាំដោយអារ៉ាប់ បានធ្វើអន្តរាគមន៍

អង្គការឃ្លាំមើលសិទ្ធិមនុស្ស បានចោទប្រកាន់អារ៉ាប់ប៊ីសាអូឌីតថា បានប៉ុនប៉ងបិទការស៊ើបអង្កេតឧក្រិដ្ឋកម្មសង្គ្រាម ដែលគាំទ្រដោយអង្គការសហប្រជាជាតិ នៅយេម៉ែន ជាកន្លែងដែលវាកំពុងដឹកនាំ ក្រុមចម្រុះមួយ ដែលប្រយុទ្ធ ជាមួយក្រុមឧទ្ទាមហ៊ូតូ។

អង្គការឃ្លាំមើលសិទិ្ធមនុស្ស បាននិយាយកាលពីថ្ងៃសុក្រថា អារ៉ាប៊ីសាអូឌីត កំពុងព្យាយាមបិទការស៊ើបអង្កេត ឧក្រិដ្ឋកម្មសង្គ្រាមមួយ ដែលគាំទ្រដោយអង្គការសហប្រជាជាតិ នៅក្នុងប្រទេសយេម៉ែន ដោយហៅវាថាជាការប៉ុនប៉ងឥតលាក់លៀម ដើម្បីចៀសវាងការពិនិត្យពិច័យ លើការប្រព្រឹត្ដរបស់ខ្លួន នៅក្នុងប្រទេសនេះ។

ការចោទប្រកាន់របស់ក្រុមនេះ ត្រូវបានគាំទ្រដោយដំណោះស្រាយ គូប្រជែង លើយេម៉ែន ដែលបានស្នើឡើងនៅក្នុងកិច្ចប្រជុំ ដែលកំពុងប្រព្រឹត្តទៅ របស់ក្រុមប្រឹក្សាសិទ្ធិមនុស្ស អង្គការសហប្រជាជាតិ នៅទីក្រុងហ្សឺណែវ។

ដំណោះស្រាយដែលដឹកនាំដោយ បណ្តាប្រទេសអឺរ៉ុបមួយចំនួន និងកាណាដា អំពាវនាវឱ្យមានការពន្យារពេលមួយឆ្នាំ នៃការស៊ើបអង្កេត ដែលបានបង្ហាញពីភ័ស្តុតាង នៃឧក្រិដ្ឋកម្មសង្រ្គាម ដែលអាចកើតមានដោយភាគីទាំងអស់ នៅក្នុងប្រទេសយេម៉ែន រួមទាំងក្រុមចម្រុះ ដឹកនាំដោយ អារ៉ាប៊ីសាអូឌីត។

ដឹកនាំដោយទុយនីស៊ី ក្នុងនាមក្រុមបណ្តារដ្ឋអារ៉ាប់ មិនបាននិយាយអំពីការពង្រីក ការស៊ើបអង្កេតនោះទេ តែអំពាវនាវឱ្យគណៈកម្មការស៊ើបអង្កេតជាតិ ដែលរិះគន់ជាញឹកញយ របស់យេម៉ែន ដើម្បីបន្តសិក្សាអំពីជម្លោះនេះ។

អារ៉ាប៊ីសាអូឌីត និងសម្ព័ន្ធមិត្តរបស់ខ្លួន អារ៉ាប់រួម ដែលកំពុងដឹកនាំក្រុមចម្រុះមួយ ដែលប្រយុទ្ធនឹងក្រុមឧទ្ទាម Houthi នៅយេម៉ែន គឺជាសមាជិកក្រុមអារ៉ាប់ លើក្រុមប្រឹក្សាសិទ្ធិមនុស្សចំនួន 47 រូប។

លោក John Fisher នាយកអង្គការសិទ្ធិមនុស្ស ប្រចាំក្រុងហ្សឺណែវ បាននិយាយនៅក្នុងសេចក្តីថ្លែងការណ៍មួយថា យុទ្ធនាការរបស់ក្រុមចម្រុះ ដឹកនាំដោយអារ៉ាប៊ីសាអូឌីត ដើម្បីបង្ខូចកេរ្តិ៍ឈ្មោះ និងធ្វើឱ្យប៉ះពាល់ ដល់ការស៊ើបអង្កេត របស់អង្គការសហប្រជាជាតិ ចំពោះការរំលោភបំពាន ដោយគ្រប់ភាគីសង្រ្គាម នៅយេម៉ែន គឺជាការប៉ុនប៉ងឥតលាក់លៀមមួយផ្សេងទៀត ដើម្បីចៀសវាងការត្រួតពិនិត្យ មើលសកម្មភាពរបស់ក្រុមចម្រុះ នៅក្នុងប្រទេសយេម៉ែន។

លោកបានបន្ថែមថា “ក្រុមប្រឹក្សាសិទ្ធិមនុស្ស មិនអាចធ្វើឱ្យជនស៊ីវិលយេម៉ែន ខកខានបានឡើយ។ រដ្ឋគួរតែបន្តអាណត្តិថ្មី ឬស៊ើបអង្កេត លើភាពជឿជាក់ របស់ក្រុមប្រឹក្សា”។

ក្រុមចម្រុះដឹកនាំដោយអារ៉ាប៊ីសាអ៊ូឌីត បានធ្វើអន្តរាគមន៍ នៅយេម៉ែន នៅក្នុងឆ្នាំ 2015 ដើម្បីគាំទ្ររដ្ឋាភិបាល របស់លោកប្រធានាធិបតី Abedrabbo Mansour Hadi ប្រឆាំងនឹងក្រុមឧទ្ទាមហ៊ូតូ។

ចាប់តាំងពីពេលនោះមក យេម៉ែន បានធ្លាក់ចូលទៅក្នុងអ្វី ដែលអង្គការសហប្រជាជាតិ ហៅថា វិបត្តិមនុស្សធម៌ដ៏អាក្រក់បំផុត របស់ពិភពលោក ដែលមានមនុស្សជាងមួយម៉ឺននាក់ បានស្លាប់ និងរាប់លាននាក់ ស្ថិតក្នុងហានិភ័យ នៃភាពអត់ឃ្លាន។

ក្រុមចម្រុះនេះ ត្រូវបានគេចោទប្រកាន់ថា បានបំផ្ទុះគ្រាប់បែក លើគោលដៅស៊ីវិលជាច្រើន រួមមាន ឡានក្រុង និងមន្ទីរពេទ្យ។

កាលពីដើមសប្តាហ៍នេះ អង្គការ Save the Children បានព្រមានថា កុមារជាង 5 លាននាក់ កំពុងប្រឈមមុខនឹងគ្រោះទុរ្ភិក្ស នៅក្នុងប្រទេសយេម៉ែន ដោយសារសង្គ្រាម ដែលកំពុងបន្តធ្វើឱ្យតម្លៃម្ហូបអាហារ និងប្រេងឥន្ធនៈ ឡើងខ្ពស់ នៅទូទាំងប្រទេស។

អង្គការក្រៅរដ្ឋាភិបាលមួយ ដែលមានមូលដ្ឋាននៅចក្រភពអង់គ្លេស បានឱ្យដឹងក្នុងរបាយការណ៍ថ្មីមួយថា ការរំខានដល់ការផ្គត់ផ្គង់ ដែលចូលមកតាមច្រកសមុទ្រ Hodeida នៅសមុទ្រក្រហម អាចនឹងធ្វើឱ្យមានគ្រោះ អត់ឃ្លាន ដល់កម្រិតដែលមិនធ្លាប់មានពីមុនមក។

អង្គការ Save the Children បាននិយាយថាកុមារ 1 លាននាក់បន្ថែមទៀត នឹងប្រឈមនឹងគ្រោះទុរ្ភិក្ស ខណៈតម្លៃម្ហូបអាហារ និងការដឹកជញ្ចូន កើនឡើង ដែលនាំឱ្យមានចំនួនសរុប 5,2 លាន។

ការបិទទ្វារណាមួយនៅកំពង់ផែ “នឹងធ្វើឱ្យជីវិតកុមារ រាប់រយរាប់ពាន់នាក់ ស្ថិតក្នុងគ្រោះថ្នាក់ភ្លាមៗ ខណៈដែលកំពុងរាលដាល រាប់លាននាក់ ឱ្យរងគ្រោះថ្នាក់” ។

Helle Thorning-Schmidt នាយកប្រតិបត្តិរបស់អង្គការ Save the Children International បាននិយាយថា: “ក្មេងៗរាប់លាននាក់ មិនដឹងថា ពេលណា ឬអាហារពេលល្ងាច របស់ពួកគេនឹងមកនោះទេ។

“នៅក្នុងមន្ទីរពេទ្យមួយ ដែលខ្ញុំបានទៅទស្សនា នៅភាគខាងជើងយេម៉ែន ទារក មិនអាចយំបានទេ ហើយពួកគេ អស់កម្លាំង ដោយសារភាពអត់ឃ្លាន។ សង្គ្រាមនេះ អាចធ្វើឱ្យបាត់បង់ជីវិត ដល់កុមារនៅយេម៉ែនទាំងអស់ ដែលប្រឈមនឹងការគំរាមកំហែងច្រើន ពីគ្រាប់បែក ទៅជាអត់អាហារ និងជំងឺ ដែលអាចការពារបាន ដូចជាជំងឺអាសន្នរោគ” នាងបានបន្ថែម៕