ឃាត់ខ្លួនជនសង្ស័យ២នាក់ ឆក់ទ្រព្យសម្បត្តិ ៣ ករណី
ភ្នំពេញ ៖ កាលពីថ្ងៃទី២១ ខែកញ្ញា ឆ្នាំ២០១៨ វេលាម៉ោង ១១និង៤៥នាទី កម្លាំងជំនាញរបស់ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ស្រាវជ្រាវឃាត់ខ្លួនក្នុងបទល្មើសជាក់ស្តែង បានជនសង្ស័យ២នាក់ នៅចំណុចផ្ទះសំណាក់ដាលី បន្ទប់លេខ៣ ផ្លូវបេតុង ភូមិជ្រោយបាសាក់ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ដែលបានប្រព្រឹត្តបទល្មើស អំពើលួចមានស្ថានទម្ងន់ទោស(ឆក់ទ្រព្យសម្បត្តិ) ចំនួន ៣ ករណី និងចាប់យកវត្ថុតាងជាមធ្យោបាយធ្វើសកម្មភាព បញ្ជូនមកកាន់ការិយាល័យដើម្បីធ្វើការសាកសួរ ។
ករណីទី១ ៖ អំពើលួចមានស្ថានទម្ងន់ទោស(ឆក់ទូរស័ព្ទដៃម៉ាក VIVO ពណ៌ខ្មៅ ស៊ីមកាតលេខ ០៩៦ ៨ ៧១៧ ៩៦២ ) នៅចំណុចផ្លូវលេខ៦៣កែងផ្លូវលេខ២៩៤ ក្រុមទី៤២ ភូមិទី៦ សង្កាត់បឹងកេងកងទី១ ខណ្ឌចំការមន រាជធានីភ្នំពេញ កាលពីថ្ងៃទី ២០ ខែ កញ្ញា ឆ្នាំ ២០១៨ វេលាម៉ោង១៦និង ១៥នាទី ។
ជនរងគ្រោះឈ្មោះ សុខ រ៉ានី ភេទ ស្រី អាយុ ២៥ ឆ្នាំ ជនជាតិខ្មែរ មុខរបរ អ្នកទទួលភ្ញៀវ
ស្នាក់នៅផ្ទះគ្មានលេខ ផ្លូវបេតុង ភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ
សម្ភារៈបាត់បង់ ៖ ទូរសព្ទ័ដៃម៉ាក VIVO ពណ៌ ខ្មៅ ស៊ីមកាតលេខ ០៩៦ ៨ ៧១៧ ៩៦២ ។
ករណីទី២ ៖ អំពើលួចមានស្ថានទម្ងន់ទោស(ឆក់ទូរសព្ទ័ដៃ) នៅចំណុចម្តុំស្ថានីយ៍វិទ្យុនិងទូរទស្សន៍អប្សរា សង្កាត់បឹងកេងកងទី១ ខណ្ឌចំការមន រាជធានីភ្នំពេញ នៅថ្ងៃមិនចាំ ខែកញ្ញា ឆ្នាំ២០១៨ វេលាម៉ោងប្រហែល១៥និង០០នាទី ។
ករណីទី៣ ៖ អំពើលួចមានស្ថានទម្ងន់ទោស(ឆក់ទូរស័ព្ទដៃម៉ាកសាំសុង) នៅចំណុចម្តុំ ផ្សារបឹងកេងកង សង្កាត់ បឹងកេងកងទី១ ខណ្ឌ ចំការមន រាជធានីភ្នំពេញ នៅថ្ងៃមិនចាំ ខែ កញ្ញា ឆ្នាំ ២០១៨ វេលាម៉ោងប្រហែល ១៦ និង ០០ នាទី ។
ជនសង្ស័យឃាត់ខ្លួនបាន
១-ឈ្មោះ ស៊ុន ហេង ភេទ ប្រុស អាយុ ១៧ ឆ្នាំ ជនជាតិ ខ្មែរ -មុខរបរ មិនពិតប្រាកដ, -ស្នាក់នៅផ្ទះជួល ផ្លូវលំ ភូមិឬស្សី សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ ។
២-ឈ្មោះ លី ពិសិដ្ឋ ភេទ ប្រុស អាយុ ១៧ ឆ្នាំ ជនជាតិ ខ្មែរ, -មុខរបរ រត់តុការ, -ស្នាក់នៅផ្ទះជួល ផ្លូវលំ សង្កាត់បឹងទំពុន២ ខណ្ឌមានជ័យ រាជធានីភ្នំពេញ ។
វត្ថុតាងចាប់យក ៖ ម៉ាកហុងដាសេ ១២៥ ពណ៌ ក្រហម សេរីឆ្នាំ២០១៨ លេខតួ-លេខម៉ាស៊ីន ៥២២៧២៥៤ ពាក់ស្លាកលេខ ភ្នំពេញ ១GY ៥៩៨៣ ចាប់យកពីឈ្មោះ ស៊ុន ហេង, មួកក្រណាត់ប៉ូឡូ ពណ៌ក្រណាត់ ចំនួន ១ ចាប់យកពីឈ្មោះ លី ពិសិដ្ឋ ។
បច្ចុប្បន្នជនសង្ស័យខាងលើ និង វត្ថុតាង ការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមច្បាប់ ៕