បិទ បើកកីឡាជាតិលើកទី៣ រួមជាមួយស៊ីហ្គេម និងអាស៊ានប៉ារ៉ាហ្គេម ក្រសួងការពារជាតិនឹងផ្ដល់កម្លាំងអង្គរក្សជាង១.០០០នាក់

ភ្នំពេញ៖ពិធីបើក-បិទកីឡាជាតិលើកទី៣និងការប្រកួតកីឡាស៊ីហ្គេមអាស៊ានប៉ារ៉ា
ហ្គេមឆ្នាំ២០២៣ត្រូវបានក្រសួងការពារជាតិសម្រេចផ្ដល់កម្លាំងអ្គរក្សជាង១.០០០នាក់សម្រាប់ហ្វឹកហាត់ត្រៀមសម្ដែងទស្សនីយភាពសម្រាប់ពិធីនេះ។
នេះបើតាមការអះអាងរបស់លោកវ៉ាត់ ចំរើនអគ្គលេខាធិកាអគ្គលេខាធិការជាតិរៀប
ចំស៊ីហ្គេមឆ្នាំ២០២៣(CAMSOC)បន្ទាប់ពីលោកបានពិភាក្សាជាមួយលោកនាយឧត្តមសេនីយ៍ប៊ុន លើតរដ្ឋលេខាធិការក្រសួងការពារជាតិថ្ងៃទី១០តុលានេះ។
កិច្ចប្រជុំនេះផ្ដោតសំខាន់លើការពិភាក្សាពីការរៀបចំនូវកម្លាំងកងយោធពលខេមរភូ
មិន្ទដោយមានការចូលរួមពីក្រុមការងារជំនាញដើម្បីដាក់ចេញនូវកម្លាំងពិតទីកន្លែងច្បាស់
លាស់ និងការរៀបចំកម្មវិធី ពិសេសសមាសភាពគ្រប់គ្រាន់ សម្រាប់ធ្វើការហ្វឹកហាត់។

លោកបន្តថា ជាជំហានដំបូង ដំណាក់កាលទី១ យើងត្រូវការ ១,០៥០នាក់ សម្រាប់ចាប់ផ្ដើមការងារហ្វឹកហាត់ ហើយជាង ១ពាន់នាក់នេះ ត្រូវបានក្រសួងការពារជាតិ តាមរយៈកិច្ចប្រជុំនេះបានឯកភាពឲ្យយកកម្លាំងរបស់កងអង្គរក្សតែម្ដងដែលជាកងកម្លាំងរៀបរយស្រេច កម្លាំងមានការហ្វឹកហាត់ក្បាច់គុនស្រេច មកធ្វើការរៀបចំ។

បន្ទាប់ពីទទួលបានការឯកភាពនេះ ក្រុមការងារគណៈកម្មការបើក-បិទរបស់ CAMSOC គ្រោងនឹងទៅជួបសម្ដែងការគួរសមផ្ទាល់ជាមួយឯកឧត្តមនាយឧត្តមសេនីយ៍មេបញ្ជាការកង
អង្គរក្ស ក្នុងសប្ដាហ៍នេះ ដើម្បីធ្វើការចង្អុលបង្ហាញ និងការផ្ដល់នូវភាពកក់ក្ដៅដល់ក្រុមការងារ ក្នុងការរៀបចំការហ្វឹកហាត់នៅកងអង្គរក្សតែម្ដង។ ក្នុងនោះមានគ្រូបង្គោលចំនួន ៥០នាក់ នឹងត្រូវចាត់ចែងផ្ទាល់ដោយបញ្ជាការដ្ឋានកងយោធពលខេមរភូមិន្ទដើម្បីបង្ហាត់និងការត្រៀមសម្ដែងនូវទស្សនីយភាព ស្គរជ័យអរិយធម៌ខ្មែរ។

លោកអគ្គលេខាធិការបនក្តថាសង្កត់ធ្ងន់ថា យើងឃើញថា ការធ្វើការងារក្នុងពេលនេះ យើងមានស្មារតីរួមល្អណាស់ដោយសារការយោគយល់គ្នាក្រោមការដឹកនាំរបស់សម្ដេចពិជ័យសេនាក៏ដូចជាឯកឧត្តមបណ្ឌិតថោងខុនរដ្ឋមន្ដ្រីក្រសួងទេសចរណ៍និងជាអនុប្រធានអចិន្ដ្រៃយ៍ CAMSOC គឺតែងតែជំរុញថាអ្វីដែលយើងគួរធ្វើត្រូវតែជំរុញហ្មត់ចត់និងឲ្យមានរបៀបរៀបរយ។ ឥឡូវនេះ យើងទៅជាគំនិតតែមួយ ទៅជាការចុះសម្រុងគ្នាតែមួយ ដើម្បីផលប្រយោជន៍ នៃព្រឹត្តិការណ៍ដ៏អស្ចារ្យហ្នឹងបានទាល់តែយើងចេះរបៀបធ្វើការជាមួយគ្នាដោយសុខដុមរមនា។
សូមបញ្ជាក់ថា កីឡាជាតិ លើកទី៣ នឹងប្រព្រឹត្តទៅ ពីថ្ងៃទី២១-៣០ ខែវិច្ឆិកា ឆ្នាំ២០២២។ រីឯព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជាវិញ គឺការប្រកួតកីឡាស៊ីហ្គេម លើកទី៣២ នឹងប្រព្រឹត្តទៅ ពីថ្ងៃទី០៥-១៧ ខែឧសភា ឆ្នាំ២០២៣ និងការប្រកួតកីឡាអាស៊ានប៉ារ៉ាហ្គេម លើកទី១២ នឹងប្រព្រឹត្តទៅ ពីថ្ងៃទី០៣-០៩ ខែមិថុនា ឆ្នាំ២០២៣៕