បាល់ទះ១១ក្រុម ចូលរួមព្រឹត្តិការណ៍Hun Sen-Cup

ភ្នំពេញ៖ លោកបណ្ឌិត អាំង សេរីពិសិដ្ឋ អគ្គលេខាធិការសហព័ន្ធ កីឡាបាល់ទះកម្ពុជា និងអ្នកតំណាងក្រុមទំាង១១ ក្រុមបានអញ្ជើញ ចូលរួមពិធីសន្និសីទ សារព័ត៌មាន ការប្រកួតកីឡាបាល់ ទះដណ្តើមពានរង្វាន់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា នាថ្ងៃទី១១ ខែតុលា ឆ្នាំ២០២២ម្សិលម៉ិញនេះ នៅមជ្ឈមណ្ឌលជាតិ ហ្វឹកហ្វឹនកីឡា ។

លោកអគ្គលេខាធិការ មានប្រសាសន៍ថា ក្រុមបាល់ទះជើងខ្លាំងទំាង ១១ក្រុម ប្រសិនបើមិនគោពរបទបញ្ជាការប្រកួតនិងអាងអ្នកធំណាមួយធ្វើឲ្យខួចព្រឹត្តិការណ៍ការប្រកួតកីឡាបាល់ទះដណ្តើមពាន រង្វាន់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជានិងបោះបង់ការប្រកួតដោយសារតែដឹងក្រុមខ្លួនឯងធ្លាក់ដោយ
ស្វ័យប្រវត្តិ សហព័ន្ធនឹងដាក់ ពិន័យតាមបទបញ្ជាតែម្តង ។

កន្លងមកទង្វើបែបនេះបានឡើងជាង៦ឬ៧ឆ្នាំមុនហើយដូច្នេះរូបលោកជាអគ្គលេខាធិការសហព័ន្ធត្រូវកែប្រែមិនឲ្យកើតមានឡើយ។លោកអគ្គលេខាធិការបន្តថាក្រុមដែលចូលរួមការប្រកួតពានរង្វាន់សម្តេចអគ្គមហាសេនាបតីតេជោហ៊ុនសែនលើកនេះសុទ្ធសឹងជាក្រុមជើងខ្លាំងដែលមានកេរ្តិ៍ឈ្មោះល្បីល្បាញក្នុងពិភពកីឡាបាល់ទះព្រមទំាងឆ្លងកាត់ការប្រកួតជា
ច្រើនថែមទៀតហើយគោពរបទបញ្ជាដូច្នេះការប្រកួតកន្លងមក។ព្រឹត្តិការណ៍នេះចាប់ផ្តើមពីថ្ងៃទី ១៥ ដល់ថ្ងៃទី២៨ ខែតុលា ឆ្នាំ២០២២ នៅពហុកីឡដ្ឋានព្រីនស៍ រាជធានីភ្នំពេញ ។
ក្រុមបាល់ទះទាំង១១ក្រុមដែលចូលរួមក្លិបកីឡាបាល់ទះវិសាខាក្លិបកីឡាបាល់ទះរដ្ឋ
បាលរាជធានីភ្នំពេញក្លិបកីឡាក្លិបបាល់ទះស្នងការដ្ឋាននគរបាលខេត្តបាត់ដំបងក្លិបកីឡា
បាល់ទះបទបញ្ជាដ្ឋានអង្គរក្សក្លិបកីឡាបាល់ទះស្នងការដ្ឋាននគរបាលខេត្តត្បូងឃ្មុំក្លិបកីឡាក្លិបបាល់ ទះស្នងការដ្ឋាន នគរបាលខេត្តសៀមរាប ។ក្លិបកីឡាបាល់ទះ កងពលធំអន្តាគមន៍ លេខ៣ ក្លិបកីឡាបាល់ទះ កូននាគឧត្តរ ខេត្តឧត្តរមានជ័យ ក្លិបកីឡាក្លិបបាល់ទះ ស្នងការដ្ឋាន នគរបាលខេត្តព្រះសីហនុ ក្លិបកីឡាបាល់ទះក្រសួងមហាផ្ទៃនិងក្លិបកីឡាបាល់ទះស្នងការដ្ឋាន នគរបាលខេត្តស្វាយរៀងសុទ្ធសឹងជាក្រុមជើងខ្លាំងប្រទេសដែលមានសិទ្ធិចូលរួមការប្រកួត
កម្រិតកំពូល ។

សម្រាប់ពានរង្វាន់និងរង្វាន់របស់ក្រុមជ័យលាភីវិញវិញគឺក្រុមជើងឯកបានពានរង្វាន់ធំ១មេដាយមាសម្នាក់១អមដោយថវិកា១ម៉ឺនដុល្លារ។ជើងឯករង៖មេដាយប្រាក់ម្នាក់១អមដោយថវិកា ៥ពាន់ដុល្លារ។លេខ៣ មេដាយសំរឹទ្ធិ ម្នាក់១ អមដោយថវិកា ៣ពាន់ដុល្លារ។
លេខ៤ថវិកា២ពាន់ដុល្លារ។ក្រៅពីនោះក៏មានពានរង្វាន់ឯកត្តជនដែរគឺសម្រាប់កីឡាករល្អជាងគេប្រចាំព្រឹត្តិការណ៍កីឡាករលើកបាល់ល្អកីឡាករធ្វើរនាំងល្អនិងកីឡាករវាយសេវាល្អជាងគេជាដើម។
អ្វីដែលពិសេសថែមទៀតនោះ ក្នុងការប្រកួតពានរង្វាន់បាល់ទះសម្តេចតេជោ ហ៊ុន សែន ឆ្នាំ២០២២ នេះ ក៏មានការប្រកួតមិត្តភាពអន្តរជាតិ ចំនួន ២គូដែរ គឺ
ថ្ងៃទី១៥ តុលា ២០២២ ក្រុមបាល់ទះជម្រើសជាតិកម្ពុជា ប៉ះ សិង្ហបុរី វេលាម៉ោង ៧យប់ថ្ងៃទី
២០ តុលា ២០២២ ក្រុមបាល់ទះជម្រើសជាតិកម្ពុជា ប៉ះ គុយបា វេលាម៉ោង ៧យប់៕