បិទ បើកកីជាតិលើកទី៣រួមជាមួយស៊ីហ្គេម និងអាស៊ានប៉ារ៉ាហ្គេម កងអង្គរក្សធានាសហការល្អ

ភ្នំពេញ៖ល្ងាចថ្ងៃទី១៣ខែតុលាឆ្នាំ២០២២លោកវ៉ាត់ចំរើនអគ្គលេខាធិការនៃគណៈកម្មាធិការជាតិរៀបចំស៊ីហ្គេមឆ្នាំ២០២៣(CAMSOC)បានដឹកនាំមន្ដ្រីគណៈកម្មការជំនាញចុះជួបផ្ទាល់ជាមួយមេបញ្ជាការរង និងមេបញ្ជាការតាមអង្គភាពចំណុះឲ្យបញ្ជាការដ្ឋានអង្គរក្សដើម្បីពិភាក្សាការងារនិងពិនិត្យផ្ទាល់នៅទីតាំងហ្វឹកហាត់របស់កម្លាំងកងយោធពលខេមរភូមិន្ទ។ កាលល្ងាចថ្ងៃទី១៣ ខែតុលា ឆ្នាំ២០២២។

ក្នុងជំនួបនោះថ្នាក់ដឹកនាំបញ្ជាការដ្ឋានកងអង្គរក្សបានផ្ដល់កិច្ចសហការយ៉ាងល្អក្នុង
ការរៀបចំហ្វឹកហាត់តាមផែននីមួយៗដើម្បីត្រៀមបង្កើតនូវភាពអស្ចារ្យសម្រាប់ការសម្ដែងអបអរសាទរក្នុងពិធីបើកបិទកីឡាជាតិលើកទី៣ក៏ដូចជាត្រៀមពិធីបើកបិទព្រឹត្តិការណ៍ជាប្រវត្តិសាស្ដ្រស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅកម្ពុជា។
ការចុះពិនិត្យទីតាំងហ្វឹកហាត់នេះបន្ទាប់ពីក្រសួងការពារជាតិបានផ្ដល់កម្លាំងអង្គរក្សចំនួន១ពាន់នាក់សម្រាប់ធ្វើការហ្វឹកហាត់គុនល្បុក្កតោចលនាកាយសមស្រប។ពិសេសការហ្វឹកហាត់នូវទស្សនីយភាព“ស្គរជ័យអរិយធម៌ខ្មែរ”ដែលជាទស្សនីយភាពមួយត្រូវប្រើកម្លាំងយោ
ធិនប្រហែល ១ពាន់នាក់ដែលជាកម្លាំងមានកម្ពស់និងកាយសម្បទាល្អសុខភាពល្អស្មារតីរឹងមាំ វិន័យនិងគោលការណ៍ច្បាស់លាស់។ពិសេសមានការគ្រប់គ្រងត្រឹមត្រូវដែលអាចពន្លឿនដល់ការហ្វឹកហាត់បានល្អ និងឈានទៅរកភាពជោគជ័យ។
លោកអគ្គលេខាធិការបន្ដថាសម្រាប់កាករហ្វឹកហាត់នេះយើងផ្ដោតការយកចិត្តទុក
ដាក់លើការហ្វឹកហាត់ខាងការរៀបចំពិធីបើកបិទកីឡាជាតិលើកទី៣ជាជំហានទី១។

ជំហានទី២គឺយើងបន្ដហ្វឹកហាត់ឆ្ពោះទៅពិធីបើកបិទការប្រកួតកីឡាស៊ីហ្គេមនិងអាស៊ានប៉ារ៉ាហ្គេមឆ្នាំ២០២៣ តែម្ដង។
នេះជាអ្វីដែលយើងបានជួបពិភាក្សានិងទទួលបានការស្វាគមន៍ដោយមេបញ្ជាការរងបញ្ជាការដ្ឋានអង្គរក្សដែលគាត់យកចិត្តទុកដាក់និងផ្ដល់កិច្ចសហការយ៉ាងល្អបំផុតធ្វើឲ្យមានភាពកក់ក្ដៅចំពោះការរៀបចំជំនាញបង្ហាត់។ហេតុនេះយើងបានទទួលនូវភាពកក់ក្ដៅនេះហើយសង្ឃឹមថា យើងនឹងសម្រេចដល់គោលដៅនេះ៕