គម្រោងអភិវឌ្ឍន៍ ឆ្នាំ២០២២នេះ សង្កាត់បឹងកក់ទី២ បើកការដ្ឋានដាក់លូមូល ដោះទឹកចំនួន៤ខ្សែ ក្រោមវត្តមានអភិបាលខណ្ឌទួលគោក
ភ្នំពេញ៖នៅថ្ងៃទី២៦ ខែតុលា ឆ្នាំ២០២២ រដ្ឋបាលសង្កាត់បឹងកក់ទី២ បានបេីកការដ្ឋាន ស្ថាបនាជាគម្រោងអភិវឌ្ឍន៍របស់រដ្ឋបាលសង្កាត់ ឆ្នាំ២០២២ ក្រោមអធិបតីភាព ឯកឧត្ដម ជា ពិសី អភិបាល អភិបាលខណ្ឌទួលគោក ដោយមានការអញ្ជេីញចូលរួម ពីលោកប្រធានការិយាល័យ មន្រ្តីសាលាខណ្ឌ លោកចៅសង្កាត់ ចៅសង្កាត់រង សមាជិកក្រុមប្រឹក្សាសង្កាត់ ស្មៀន មេភូមិ ព្រមទាំងប្រជាពលរដ្ឋ សរុបចំនួន ៥០នាក់។
មន្ត្រីសាលាខណ្ឌឱ្យដឹងថា៖សម្រាប់គម្រោងអភិវឌ្ឍន៍ឆ្នាំ២០២២នេះ សង្កាត់បឹងកក់ទី២ បានលេីកគម្រោងដាក់លូមូលដោះទឹកចំនួន៤ខ្សែ មានប្រវែង៩០០ម រួមមាន ៖ផ្លូវលេខ៦០៨ ពីរង្វង់មូលប៉ែកខាងត្បូងរហូតដល់៣០៧ស្ថិតក្នុងភូមិ១២ ។
ផ្លូវលេខ៦០៨ ផ្លូវ២៨៧រហូតដល់ផ្លូវ៦១៨ ក្នុងភូមិ១៨,ផ្លូវលេខ៥៨៨ ពីផ្លូវ៣០៧ ដល់ផ្លូវ៣១៣ ក្នុងភូមិ១១,ផ្លូវលេខ៥៨៤ ពីផ្លូវលេខ៣០៧ ដល់ផ្លូវលេខ៣១៣ ក្នុងភូមិ១១។
គម្រោងខាងលេី ចំណាយថវិកាសរុបចំនួន ២១៥,១០០,០០រៀល៕
