សមាជិកគណបក្សភ្លើងទៀនចំនួន ៧៦នាក់ សុំចូលរួមជីវភាពជាមួយគណបក្សប្រជាជនកម្ពុជាខេត្តព្រះសីហនុ

ព្រះសីហនុ: រសៀលថ្ងៃសៅរ៍ទី១២ ខែវិច្ឆិកា ឆ្នាំ២០២២ ឯកឧត្តម គួច ចំរើនសមាជិកគណកម្មាធិការកណ្តាល ជាប្រធានគណ បក្សប្រជាជនកម្ពុជាខេត្តព្រះសីហនុ អញ្ជើញបញ្ចូលសមាជិកគណបក្សប្រជា ជនកម្ពុជាក្រុងព្រះសីហនុ មកពីគណ បក្សភ្លើងទៀនសង្កាត់លេខ១ សរុបចំនួន ៧៦នាក់ ស្រី ៤៥នាក់។
លោក ជុំ សុភារិទ្ធ តំណាងសមាជិកគណបក្សភ្លើងទៀន បានអានពាក្យសុំចូលសមាជិកគណបក្សប្រជាជនកម្ពជា តាងនាមតំណាងសមាជិកថ្មីចំនួន ៧៦នាក់ និងរូបខ្ញុំបានមើលឃើញពីសកម្មភាពរបស់លោក សម រង្សី យើងខ្ញុំទាំងអស់គ្នាពិតជាមានការសោកស្តាយ និងមិនអាចទទួលយកបានចំពោះលោកហ៊ានប្រមាថយ៉ាងធ្ងន់ធ្ងរលើព្រះចេស្តាព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះ រាជាណាចកកម្ពុជា ជាទីគោរពសក្ការៈដ៏ខ្ពង់ខ្ពស់បំផុតរបស់ប្រជារាស្ត្រខ្មែរ ថា “មិនមានមនសិការជាតិ” និង “ក្បត់ជាតិ” ។ ការប្រមាថអង្គព្រះមហាក្សត្រ នៃព្រះ រាជាណាចក្រកម្ពុជា ដែលជាព្រះប្រមុខរដ្ឋ និងជារដ្ឋបុរសស្នេហាជាតិដ៏ខ្ពង់ខ្ពស់បំផុតរបស់ប្រជាជាតិខ្មែរ គឺជាការប្រមាថយ៉ាង ធ្ងន់ធ្ងរបំផុត ចំពោះប្រជាជាតិខ្មែរទាំងមូលដែលព្រះអង្គ គឺជាព្រះមហាក្សត្រប្រកប ដោយទសពិធរាជធម៌ មានសីលធម៌ គុណធម៌ដ៏ល្អផូរផង់ ជានិមិត្តរូបដ៏ខ្ពង់ខ្ពស់បំផុត នៃជាតិ ទ្រង់តែងគង់ប្រថាប់ជាម្លប់ដ៏ត្រជាក់ និងជាទីគោរពសក្ការៈដ៏ខ្ពង់ខ្ពស់បំផុតនៃប្រជាជាតិ និងប្រជារាស្ត្រខ្មែរ មិនអនុញ្ញាតឱ្យជនណាម្នាក់រំលោភបំពានបានឡើយ។ យើងខ្ញុំបានតាមដានអំពីការ ដឹកនាំរបស់គណបក្សប្រជាជនកម្ពុជាធ្វើឱ្យយើងខ្ញុំមានជំនឿជឿជាក់ថា ក្រោមការ ដឹកនាំរបស់គណបក្សប្រជាជនកម្ពុជា ពិតជាមានការអភិវឌ្ឍន៍រីកចម្រើនគ្រប់វិស័យ ធានានូវសន្តិសុខសណ្តាប់ធ្នាប់សាធារណៈជូនប្រជាពលរដ្ឋដោយសុខ
ដុមរម្យនាធ្វើឱ្យជីវភាពកាន់តែរីកចម្រើន ។
ឯកឧត្តម គួច ចំរើន សមាជិកគណកម្មាធិការកណ្តាល ជាប្រធានគណបក្សប្រជា ជនកម្ពុជាខេត្តព្រះសីហនុ មានប្រ សាសន៍សំណេះសំណាលជាមួយសមា
ជិកគណបក្សប្រជាជនកម្ពុជាក្រុងព្រះ សីហនុថ្មី ដែលបានចាកចេញពីគណ បក្សភ្លើងទៀនដែលឈរឈ្មោះលេខរៀងទី៥ និងជាភ្នាក់ងារសង្កេតការរបស់គណ បក្សភ្លើងទៀននៅក្នុងសង្កាត់លេខ១ នៃការបោះឆ្នោតជ្រើសរើសក្រុមប្រឹក្សាឃុំ សង្កាត់អណត្តិទី៥កន្លងមក។ សម្តេចតេជោប្រធានគណបក្សប្រជាជនកម្ពុជា បានដឹកនាំប្រទេសជាតិមានសុខសន្តិភាព មានការអភិវឌ្ឍរីកចម្រើនធ្វើឪ្យជីវភាពប្រជាពលរដ្ឋកាន់តែល្អប្រសើរពីមួយថ្ងៃទៅមួយថ្ងៃ ហើយសមិទ្ធិផលដែលបាននឹងកំពុងកើតមាននៅលើទឹកដី នៃខេត្តព្រះសីហនុនាពេលបច្ចុប្បន្ន ស្របពេលដែលប្រទេសជាតិមានសុខសន្តិភាព គណបក្សប្រជាជនកម្ពុជា គឺជាគណបក្សដែលមានភាពចាស់ទុំក្នុងការដឹកនាំប្រ ទេសទទួលបាននូវសុខសន្តិភាព រក្សាស្ថេរភាពនយោបាយ ដើម្បីជាតិ និងប្រជា ជនកម្ពុជា។
ឯកឧត្តម ប្រធានគណបក្សប្រជាជនកម្ពុជាខេត្តព្រះសីហនុ បញ្ជាក់ថា ខេត្តព្រះសីហនុ ត្រូវបានបង្កើតឡើងដោយស្នាមព្រះហស្ថសម្តេចព្រះករុណា ព្រះ បាទនរោត្តម សីហនុ ព្រះមហាវីរក្សត្រ “ព្រះបរមរតនកោដ” ការអភិវឌ្ឍរីកចម្រើនមិនអាចកាត់ផ្តាច់ពីអង្គព្រះមហាក្សត្ររបស់កម្ពុជាបានឡើយ។ ហើយថ្ងៃនេះនា យករដ្ឋមន្ត្រី នៃប្រទេសមហាអំណាចធំៗបានមកចូលរួមកិច្ចប្រជុំវេទិការអាស៊ាននៅកម្ពុជា នេះដោយសារតែកម្ពុជា មានសុខសន្តិភាព ហើយក៏ជាមោទនភាពរបស់កម្ពុជា ក្រោមការដឹកនាំរបស់សម្តេចតេជោ។
ឯកឧត្តម បានថ្លែងអំណរគុណសមាជិកគណបក្សភ្លើងទៀនដែលបានចូលរួមរស់ជាមួយគណបក្សប្រជាជនកម្ពុជា ដើម្បីអភិវឌ្ឍខេត្តព្រះសីហនុ មានដូចជា កំពង់ ផែទឹកជ្រៅ ផ្លូវល្បឿនលឿន ព្រលានយន្តហោះអន្តរជាតិ និងហេដ្ឋារចនាសម្ព័ន្ធផ្សេងៗជាបំរើប្រយោជន៍ប្រជាពលរដ្ឋ ទេសចរ និងអ្នកវិនិយោគ បង្កើនសេដ្ឋកិច្ចសង្គម។ គណបក្សប្រជាជន មានគោល ដៅបំរើប្រយោជន៍ប្រជាពលរដ្ឋ ការអភិវឌ្ឍលើគ្រប់វិស័យ ការពារទឹកដី ធ្វើឱ្យកម្ពុជាស្មើមុខមាត់នៅលើឆាកអន្តរជាតិ និងបានដោះស្រាយបញ្ហាជាច្រើន ដើម្បីបុព្វហេតុជាតិ និងមាតុភូមិរបស់ខ្លួន។
ក្នុងឪកាសនោះឯកឧត្តម ក៏បានអំពាវ នាវដល់សមាជិកថ្មីទាំង ៧៦រូប អញ្ជើញទៅពិនិត្យបញ្ជីឈ្មោះបោះឆ្នោត និងទៅ ចុះឈ្មោះបោះឆ្នោតឱ្យបានគ្រប់ៗគ្នា៕