ប្រដាល់សកល៥គូក្នុងព្រឹត្តិការណ៍Ultimate Pro Boxing 2022

ភ្នំពេញ៖ព្រឹត្តិការណ៍ប្រកួតប្រដាល់សកល Ultimate Pro Boxing 2022បានចាប់ផ្ដើមឡើងវិញហើយនៅថ្ងៃទី១៧វិច្ឆិកាស្អែកនេះបន្ទាប់ពីបញ្ចប់បេសកកម្មនៃការ
ប្រកួតជើងឯកអាស៊ីASIAN Elite Men snd Women Boxing Championshipនៅប្រទេសហ្សកដង់នោះ ។
ព្រឹត្តិការណ៍ Ultimate Pro Boxing 2022 គឺជាការប្រកួតដ៏សំខាន់មួយដើមបីពង្រឹងសមត្ថភាពកីឡាប្រដាល់សកលកម្ពុជា សម្រាប់ស៊ីហ្គេមឆ្នាំ២០២៣ហើយអ្នកប្រដាល់ដែលចូលរួមក្នុងព្រឹត្តិការណ៍នេះជាអ្នកប្រដាល់ខ្លាំងៗដែលស្ថិតក្នុងក្រុមជម្រើសជាតិ ។
វណ្ណាសំណាងក្លិបអារុណរះកីឡានឹងជួបប្រកួតជាមួយអ្នកប្រដាល់ដុស រតនាក្លិបតាឡី
ដំរីមានរិទ្ធដោតប្រកួតគ្នាក្នងប្រភេទទម្ងន់៥៣គីឡូក្រាម។អ្នកប្រដាល់ទាំង២រូបនេះទោះមិន
មែនស្ថិតក្នុងក្រុមជម្រើសជាតិក៏ពិតមែនតែគេមានកណ្ដាប់ដៃរហ័សនិងការពារបានល្អដូចគ្នា
ជំនួបរវាងអ្នកប្រដាល់ទាំង២រូបនេះពួកគេសុទ្ធតែមានឧិកាសឈ្នះដូចគ្នា ។

ហ៊ុនគឹមហៀងអ្នកប្រដាល់ជម្រើសជាតិមកពីក្លិបនាយកដ្ឋានអង្គរក្សប្រកួតជាមួយអ្នកប្រដាល់ញឹក ឈៀងមកពីក្លិបប្រដាល់ក្រសួងសេដ្ឋកិច្ចនិងហិរញ្ញវត្ថុដោយប្រកួតគ្នាក្នុងប្រភេទទម្ងន់៦៩គីឡូក្រាម ។
សៅ រង្សីអ្នកប្រដាល់ជម្រើសជាតិមកពីក្លិបប្រដាល់កងយោធពលខេមរភូមិន្ទប្រកួតជា
មួយអ្នកប្រដាល់នៅ សុខទីដែលជាអ្នកប្រដាល់ជម្រើសជាតិដូចគ្នាមកពីក្លិបតាឡីដំរីមានរិទ្ធដោយប្រកួតគ្នាក្នុងប្រភេទទម្ងន់៥៥គីឡូក្រាម ។
សូមបញ្ជាក់ថាសៅ រង្សីជាអ្នកប្រដាល់ជម្រើសជាតិមួយរូបដែលជាក្ដីសង្ឃឹមរបស់សហ
ព័ន្ធកីឡាប្រដាល់សកលកម្ពុជាក្នុងការប្រជែងមេដាយស៊ីហ្គេមឆ្នាំ២០២៣ខាងមុខនេះ ។

អ៊ូចធារិទ្ធក្លិបគុជសារសនៃសមាគមប្រដាល់ករសួងមហាផ្ទៃប្រកួតជាមួយអ្នកប្រដាល់
វណ្ណា លីហៀងជាអ្នកប្រដាល់ជម្រើសជាតិមកពីអារុណរះកីឡាក្នុងប្រភេទទម្ងន់៥៧គីឡូក្រាម
សម្រាប់អ្នកប្រដាល់ទាំង២រូបនេះមិនដឹងថានរណាមានសមត្ថភាពដណ្ដើមជ័យជំនះនោះឡើយ។
ពេញ វណ្ណថងក្លិបប្រដាល់សកលជម្រើសជាតិប្រកួតជាមួយអ្នកប្រដាល់វ៉ែន រដ្ឋាដែល
ជាអ្នកប្រដាល់មកពីក្លិបជម្រើសជាតិដូចគ្នា ។គូនេះប្រកួតគ្នាក្នុងប្រភេទទម្ងន់៦៦គីឡូក្រាម ។
សូមបញ្ជាក់ថាវ៉ែនរដ្ឋាជាអ្នកប្រដាល់ជើងខ្លាំងមួយរូបធ្លាប់ដណ្ដើមបានមេដាយប្រាក់នៅស៊ីហ្គេម ៕