ស្មៀនសង្កាត់តាខ្មៅ ដែលស៊ីដាច់លុយប្រជាជនក្រីក្រជាង ៧០លានរៀល ត្រូវបានឃុំខ្លួន នៅពន្ធនាគារ
ខេត្តកណ្តាល៖ ចៅក្រមស៊ើបសួរសាលាដំបូង ខេត្តកណ្ដាល លោកស្រី ហុង ម៉ារីនិច បានសម្រេចឃុំខ្លួនស្មៀនសង្កាត់តាខ្មៅ ឈ្មោះ សុខ សុផា ករណីស៊ីដាច់លុយរបស់ប្រជាជនក្រីក្រជាង ៧០លានរៀល ដាក់ពន្ធនាគារខត្តកណ្តាល បណ្តោះអាសន្នហើយ កាលពីរសៀលថ្ងៃទី១៨ ខែវិច្ឆិកា ឆ្នាំ២០២២។
លោក ឯក ស៊ុនរស្មី ព្រះរាជអាជ្ញាររងអមសាលាដំបូងខេត្តកណ្តាល បានសម្រេចចោទប្រកាន់ ស្មៀនសង្កាត់តាខ្មៅ លោក សុខ សុផា ពីបទ “ ការកេងយកផលប្រយោជន៍ដោយខុសច្បាប់ ” តាមមាត្រា៥៩៧ និងមាត្រា៥៩៨ នៃក្រមព្រហ្មទណ្ឌ ដែលប្រព្រឹត្តនៅក្នុងអំឡុងពេលប្រយុទ្ធនឹងជំងឺកូវីដ- ១៩ នៅរដ្ឋបាលសាលាសង្កាត់តាខ្មៅ ក្រុងតាខ្មៅ ខេត្តកណ្តាល ៕
