ប្រដាល់សកល ក្នុងក្របខ័ណ្ឌកីឡាជាតិ ថ្ងៃទី២៧វិច្ឆិកានេះមាននរណាខ្លះ?

ភ្នំពេញ៖ព្រឹត្តិការណ៍ប្រកួតកីឡាប្រដាល់សកលក្នុងក្របខ័ណ្ឌកី
ឡាជាតិលើកទី៣ថ្ងៃទី២៧វិច្ឆិកានេះមានចំនួន៨គូបន្តទៀត។
សម្រាប់ថ្ងៃនេះការប្រកួតមានតែ៥ប្រភេទទម្ងន់ប៉ុណ្ណោះគឺទម្ងន់៤៨គីឡូក្រាមមាន២គូ
គឺអំ ខេមមកពីខេត្តកណ្ដាលប្រកួតជាមួយម៉ាប់ ថុនាមកពីក្រសួងមហាផ្ទៃ ។ឈុន សិលាមក
ពីខេត្តព្រៃវែងប្រកួតជាមួយស៊ន សុខសំណាងក្លិបក្រសួងសេដ្ឋកិច្ចនិងហិរញ្ញវត្ថុ ។

ទម្ងន់៥១គីឡូក្រាមដែលមានតែមួយគូនោះឈុន មនោមកពីខេត្តព្រៃវែងជួបប្រកួតជា
មួយវណ្ណា សំណាងមកពីខេត្តកណ្ដាល ។ទម្ងន់៥៤គីឡូក្រាមដែលមានតែមួយគូដែរនោះជើង
ខ្លាំងសៅ រង្សីសមាគមប្រដាល់ក្រសួងការពារជាតិប្រកួតជាមួយរឿង សារ៉ូតមកពីខេត្តកែប ។

ទម្ងន់៦៧គីឡូក្រាមមាន២គូគឺពេញ វណ្ណថងក្លិបក្រសួងសេដ្ឋកិច្ចនិងហិរញ្ញវត្ថុប្រកួត
ជាមួយរុំ ភារ៉ាមកពីខេត្តកណ្ដាល ។សន ជឺមកពីសមាគមក្រសួងការពារជាតិប្រកួតជាមួយផល សុភ័ក្រមកពីក្រសួងមហាផ្ទៃ ។
ទម្ងន់៧១គីឡូក្រាមមាន២កូដែរគឺហ៊ុន គឹមហៀងមកពីខេត្តកែបប្រកួតជាមួយឡេង ម៉ៅ
របស់ក្រសួងមហាផ្ទៃ និងវី សុភ័សរបស់ក្រសួងសេដ្ឋកិច្ចនិងហិរញ្ញវត្ថុប្រកួតជាមួយគឹម វាសនារបស់ក្រសួងការពារជាតិ ។នរណាឈ្នះនៅថ្ងៃនេះ ៕