អគ្គិភ័យបានឆាបឆេះនៅទីប្រជុំជនមិនមានសណ្តាប់ធ្នាប់ មួយ ក្នុងទីក្រុងសេអ៊ូល ដោយបានបំផ្លាញលំនៅដ្ឋានចំនួន ៦០ខ្នង
បរទេស ៖ នៅថ្ងៃសុក្រ អគ្គិភ័យបានឆាបឆេះនៅទីប្រជុំជនមិនមានសណ្តាប់ធ្នាប់ មួយ ក្នុងទីក្រុងសេអ៊ូលប្រទេសកូរ៉េខាងត្បូង ដោយបានបំផ្លាញលំនៅដ្ឋានចំនួន ៦០ខ្នង ដែលភាគច្រើន សាងសង់ពីក្រដាសកាតុង និងឈើ និងបង្ខំឲ្យមនុស្សប្រមាណ ៥០០នាក់ជម្លៀសខ្លួនចេញ ។
សេវាកម្មសង្គ្រោះបន្ទាន់បានចំណាយពេលចំនួន ០៥ម៉ោងដើម្បីពន្លត់ភ្លើង ដែលបានកើតឡើងមុនពេល ថ្ងៃរះនៅភូមិ Guryong ជាតំបន់អនាធិបតេយ្យដែលស្ថិតនៅម្ខាងទៀតនៃផ្លូវល្បឿនលៀនពីសង្កាត់ Gangnam ដ៏សំបូរបែបរបស់ទីក្រុងសេអ៊ូល។ ក្រុមមន្ត្រីបាននិយាយថា រហូតមកដល់ពេលនេះមិនមានរបាយណ៍ការស្តីពីអ្នករងរបួសទេ។
ទីប្រជុំជន Guryong ជាលំនៅដ្ឋានរបស់ប្រជាជនប្រហែល ១.០០០នាក់ ហើយជាទីប្រជុំជន អនាធិបតេយ្យមួយក្នុងចំណោមប្រជុំជនអនាធិបតេយ្យផ្សេងទៀត ដែលនៅសេសសល់នៅក្នុងរដ្ឋធានី និងបានក្លាយជានិមិត្តរូបនៃវិសមភាពនៅក្នុងប្រទេសដែលមានសេដ្ឋកិច្ចធំបំផុតទី០៤ របស់អាស៊ី។
មានឧទ្ធម្ភាគចក្រចំនួន ១០គ្រឿង អ្នកពន្លត់អគ្គិភ័យរាប់រយនាក់ នគរបាល និងកងទ័ពបានចូលរួម ក្នុងកិច្ចខិតខំប្រឹងប្រែងដើម្បីពន្លត់អគ្គិភ័យនោះ ហើយបើយោងទៅតាម មន្ត្រីបានឲ្យដឹងថា លំនៅដ្ឋានស្ទើរតែ១/១០ ក្នុងចំណោមលំនៅដ្ឋានចំនួន៦០០ ត្រូវបានបំផ្លាញ ៕