ទំនិញក្លែងក្លាយ មានទម្ងន់ប្រមាណ ៤០តោន ត្រូវបានសមត្ថកិច្ចដុតកំទេចចោល
(រាជធានីភ្នំពេញ)៖ នៅរសៀលថ្ងៃ សុក្រ ទី ១២ ខែតុលា ឆ្នាំ២០១៨ មន្រ្តីអគ្គនាយកដ្ឋានកាំកុងត្រូល សហការជាមួយមន្រ្តីនគបាលប្រឆាំងបទល្មើសសេដ្ឋកិច្ចក្រសួងមហាផ្ទៃ បានចុះអនុវត្តដីការសំរេច របស់តុលាការសាលាដំបូងរាជធានីភ្នំពេញ ធ្វើពិធីដុតបំផ្លាញចោល ទំនិញល្មើសច្បាប់មួយចំនួន មានដូចជា: នំក្លែងបន្លំម៉ាកសញ្ញា; ស្ករត្នោតកែច្នៃពីស្ករស; បារី៥៥៥ក្លែងក្លាយ; ទឹកដោះគោយ៉ាអួររំលោភសិទ្ធចែកចាយ; ទឹកស៊ីអុីវ មានស្លាកសញ្ញាពុំសមស្រប និងគ្រឿងសម្អាងក្លែងក្លាយ ដែលមាន ទម្ងន់សរុបប្រមាណ ៤០ តោន ។
សូមជម្រាបផងដែរថា ទំនិញក្លែងក្លាយទាំងនេះ ត្រូវបានសមត្ថកិច្ចចម្រុះ ឆែករកឃើញ និងរឹបអូសបានពីតាម បណ្តាឃ្លាំងស្តុកទំនិញនានា នៅរាជធានីភ្នំពេញក្នុងរយ:ពេលកន្លងមក ។
