ទិវាស្បៀងអាហារពិភពលោកឆ្នាំ២០១៨ ក្រោមប្រធានបទ«យើងរួមគ្នាកាត់បន្ថយភាពអត់ឃ្លានឱ្យដល់កម្រិតសូន្យនៅឆ្នាំ២០៣០

ខេត្តកំពង់ចាម៖ លោកគួច ចំរើន អភិបាលខេត្តកំពង់ចាមកាលពីថ្ងៃអង្គារ ៧កើត ខែអស្សុជ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៦ ខែតុលា ឆ្នាំ២០១៨ បានចូលរួមទិវាស្បៀងអាហារពិភពលោកឆ្នាំ២០១៨ ក្រោមប្រធានបទ«យើងរួមគ្នាកាត់បន្ថយភាពអត់ឃ្លានឱ្យដល់កម្រិតសូនឆ្នាំ២០៣០» នៅភូមិប៉ប្រក ឃុំសូភាស ស្រុកស្ទឹងត្រង់ ខេត្តកំពង់ចាម។

   ក្រោយពីបានចូលរួមទិវាស្បៀងអាហារពិភពលោកឆ្នាំ២០១៨ហើយ លោកអភិបាលខេត្តក៏បានអញ្ជើញចុះពិនិត្យទីតាំងវត្តព្រះអង្គគុហ៍  ស្ថិតនៅពយនៃភ្នំព្រែកសង្កែ ក្នុងភូមិព្រែកសង្កែលិច ឃុំពាមកោះស្នា ស្រុកស្ទឹងត្រង់ មានប្រវត្តិយូរលង់ណាស់មកហើយ ហើយប្រជាពលរដ្ឋនៅតំបន់នេះ ជឿលើបារមីនៃព្រះអង្គគុហ៍ណាស់។ បច្ចុប្បន្នទីតាំងនេះត្រូវ ពុទ្ធិសាសនិក ដែលជឿលើព្រះពុទ្ធសាសនា និងបារមីព្រះអង្គ បានរួមគ្នាកសាងជាទីអារាម សម្រាប់គោរពបូជា៕