បុណ្យមាឃបូជា ប្រារព្ធនៅថ្ងៃទី២៤ខាងមុននេះ

ភ្នំពេញ ៖ តេីបុណ្យមាឃបូជាមានអត្ថន័យយ៉ាងណា?

មកដឹងអំពីអត្ថន័យបុណ្យមាឃបូជាទាំងអស់គ្នា

កម្មពិធីបុណ្យនឹងប្រព្រឹត្តទៅ នៅថ្ងៃសៅរ៍ ១៥ កើត ខែមាឃ ឆ្នាំថោះ បញ្ចស័ក ព.ស.២៥៦៧

ត្រូវនឹងថ្ងៃទី២៤ ខែកុម្ភៈ ឆ្នំា២០២៤ ខាងមុខនេះហេីយ។

សូមចូលរួមប្រារព្ភពិធីបុណ្យតាមសេចក្តីជ្រះថ្លារៀងៗខ្លួន។

ថ្ងៃមាឃបូជា គឺជាថ្ងៃប្រកាសធម្មនុញ្ញឱវាទបាតិមោក្ខ ថ្ងៃដាក់ព្រះជន្មាយុសង្ខារ គឺការកំណត់កាលបរិច្ឆេទនឹងបរិនិព្វាន គឺរយៈពេល ៣ខែទៀត ចាប់ពីថ្ងៃពេញបូណ៌មីខែមាឃរហូតដល់ថ្ងៃពេញបូណ៌មីខែពិសាខ ព្រះពុទ្ធអង្គនឹងបរិនិព្វានហើយ។

ពិធីបុណ្យមាឃបូជា ជាទិវាបុណ្យដ៏ធំបំផុតមួយក្នុងព្រះពុទ្ធសាសនា ដែលពុទ្ធសាសនិកទាំងអស់តែងតែប្រារព្ធធ្វើឡើងក្នុងថ្ងៃ១៥កើត ខែមាឃជារៀងរាល់ឆ្នាំ ដោយប្រារព្ធលើហេតុផល ៣ ប្រការធំៗគឺ៖

១-រំលឹកដល់ថ្ងៃព្រះសម្មាសម្ពុទ្ធទ្រង់ដាក់អាយុសង្ខារ។

២-រំលឹកដល់ថ្ងៃព្រះភគវាទ្រង់សម្តែង(ឱវាទបាតិមោក្ខ)។

៣-រំលឹកដល់ថ្ងៃ(ចតុរង្គសន្និបាត)

ដែលប្រកបដោយអង្គ ៤ គឺ

១-ជាថ្ងៃពេញបូណ៌មី ១៥កើត ខែ មាឃ។

២-ជាថ្ងៃភិក្ខុ១២៥០ អង្គ មកប្រជុំគ្នា ដោយគ្មានការនិមន្ត។

៣-ព្រះភិក្ខុទាំងអស់នោះសុទ្ធតែ(ឯហិភិក្ខុ)ដែលបំបួសដោយព្រះសម្មាសម្ពុទ្ធ។

៤-ព្រះភិក្ខុទាំងអស់សុទ្ធតែជាព្រះអរហន្ត។