រាជធានីភ្នំពេញ លទ្ធផលបឋម នៃការបោះឆ្នោតជ្រើសតាំងសមាជិកព្រឹទ្ធសភា, គណបក្សប្រជាជនកម្ពុជា ទទួលបាន៨១៧សំឡេង

(ភ្នំពេញ)៖ ដំណើរការការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ នៅរាជធានីភ្នំពេញ នាថ្ងៃទី២៥ ខែកុម្ភៈ ឆ្នាំ២០២៤ បានបង្ហាញលទ្ធផលបឋមឲ្យដឹងថា សន្លឹកឆ្នោតសរុប ចំនួន៩១០សំឡេង អត់បានការ៤សំឡេង។

ក្នុងចំណោមសន្លឹកឆ្នោតបានការ ចំនួន៩១០សន្លឹកនោះ បណ្ដាគណបក្សនយោបាយទទួលបាន៖

*ទី១៖ គណបក្សប្រជាជនកម្ពុជា ទទួលបាន៨១៧សំឡេង
*ទី២៖ គណបក្សឆន្ទៈខ្មែរ ទទួលបាន៨៨សំឡេង
*ទី៣៖ គណបក្សហ្វ៊ុនស៉ិនប៉ិច ទទួលបាន១សំឡេង
*ទី៤៖ គណបក្សកម្លាំងជាតិ មិនទទួលបានសំឡេង។

ចំពោះសន្តិសុខ សណ្ដាប់ធ្នាប់ សុវត្ថិភាព ធានាបានល្អ បិទបញ្ចប់ការបោះឆ្នោតដោយជោគជ័យ ក្នុងបរិយាកាសល្អប្រសើរ ពុំមានគណបក្សណាមួយជំទាស់ ឬក៏មានការគំរាមកំហែង អំពើហិង្សាអ្វីនោះឡើយ។

សូមបញ្ជាក់ថា នៅថ្ងៃអាទិត្យ ១រោច ខែមាឃ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៥ ខែកុម្ភៈ ឆ្នាំ២០២៤នេះ ប្រទេសកម្ពុជា រៀបចំការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥។