នគរបាលខណ្ឌប្ញស្សីកែវ ឃាត់ខ្លួនជនសង្ស័យ ៤នាក់ និងថ្នាំញៀនជាច្រើនកញ្ចប់
ភ្នំពេញ ៖ ជនសង្ស័យ ៤នាក់ ត្រូវកម្លាំង នគរបាលខណ្ឌប្ញស្សីកែវ ឃាត់ខ្លួន ក្នុងករណីជួញដូរដោយខុសច្បាប់នូវសារធាតញៀន នៅថ្ងៃទី០៥ ខែមីនា ឆ្នាំ២០២៤ វេលាម៉ោង១៤និង ៣០នាទី ត្រង់ចំណុច បន្ទប់ជួលសំណង់មិនរាបរយ ក្រុមទី៤ ភូមិ ទួលសង្កែ សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ ។
ជាលទ្ធផលកំលាំងជំនាញខណ្ឌបានធ្វើការឃាត់ខ្លួនជនសង្ស័យចំនួន ០៤នាក់ ៖
១/ ឈ្មោះ រ៉ែម សុខហេង ភេទប្រុស អាយុ ២៤ឆ្នាំ ជនជាតិខែ្មរ មានទីលំនៅ ភូមិចុងខ្សាច់ សង្កាត់ទួលសងែ្ក១ ខណ្ឧឫស្សីកែវ រាជធានីភ្នំពេញ មុខរបរ កម្មករ ។
២/ ឈ្មោះ នួន ភារ៉ា ភេទប្រុស អាយុ ២៣ឆ្នាំ ជនជាតិខ្មែរ មានទីលំនៅ ភូមិចុងខ្សាច់ សង្កាត់ទួលសង្កែទី២ ខណ្ឌឬស្សីកែវ មុខរបរ កម្មករ។
៣/ឈ្មោះ សុំ សុធា ភេទប្រុស អាយុ ៤៩ឆ្នាំ ជនជាតិខ្មែរ មានទីលំនៅ សង្កាត់ពោធិសែនជ័យ រាជធានីភ្នំពេញ។
៤/ ឈ្មោះ ចាន់ រ៉ា ភេទ ប្រុស អាយុ ១៨ ឆ្នាំ ជនជាតិខ្មែរ មានទីលំនៅ ភូមិវាល សង្កាត់ត្រពាំងក្រសាំង ខណ្ឌពោធិសែនជ័យ រាជធានីភ្នំពេញ។
ក្នុងនោះ សមត្ថកិច្ចបានដកហូតសម្ភារៈ រួមមាន ៖ ក្រាមពណ៌សថ្លាសង្ស័យជាគ្រឿងញៀនចំនួន០៣ កញ្ចប់, ជញ្ជីងសំរាប់ថ្លឹងគ្រឿងញៀនចំនួន០១គ្រឿង, ថង់សំរាប់ច្រកគ្រឿងញៀនមួយចំនួន។
បច្ចុប្បន្ន ជនសង្ស័យត្រូវបានកំលាំងជំនាញខណ្ឌ កំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីអនុវត្តន៍តាមនិតិវិធី ។
