រដ្ឋមន្ត្រីក្រសួងរៀបចំដែនដី សម្រេចសម្រួលភារកិច្ចប្រធានមន្ទីររៀបចំដែនដីនគរូបនីយកម្ម ខេត្តបន្ទាយមានជ័យ ឲ្យមកបម្រើការងារនៅទីស្តីការក្រសួង

ភ្នំពេញ ៖ លោក អាង ណារិទ្ធ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តបន្ទាយមានជ័យ ដែលធ្លាប់ទទួលរងការប្ដឹងផ្ដល់ពីមន្ដ្រីរាជការក្រោមឱវាទនោះ ត្រូវបានសម្រួលភារកិច្ចពីប្រធានមន្ទីរ ឲ្យមកបម្រើការងារនៅទីស្ដីការក្រសួងរៀបចំដែនដី នគរូបនីយកម្ម និងសំណង់ ហើយ ខណៈលោក មាស ដារ៉ា ត្រូវបានតែងតាំងជា ប្រធានស្ដីទី នៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តបន្ទាយមានជ័យ ដោយប្រកាសលេខ ០២៥ ដនស/ប្រក/បុ ចុះថ្ងៃទី១៩ ខែមីនា ឆ្នាំ២០២៤ របស់ក្រសួងរៀបចំដែនដី នគរូបនីយកម្ម និងសំណង់ ៕