លោកស្រី គឹម ញឹប ដឹកនាំកិច្ចប្រជុំផ្តោតលើការងារ ការបង្ក្រាប និងលុបបំបាត់គ្រឿងញៀន ការបង្រ្កាបល្បែងស៊ីសងខុសច្បាប់ និងការលុបបំបាត់ក្មេងទំនើងតាមសាលារៀន

ភ្នំពេញ ៖ នៅព្រឹកថ្ងៃពុធ ១១កើត ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២០ ខែមីនា ឆ្នាំ២០២៤ រដ្ឋបាលខណ្ឌដង្កោ បានបើកកិច្ចប្រជុំគណៈបញ្ជាការឯកភាពរដ្ឋបាលខណ្ឌ ប្រចាំខែមីនា ឆ្នាំ២០២៤ ក្រោមអធិបតីភាព លោកស្រី គឹម ញឹប អភិបាលខណ្ឌ និងជាប្រធានគណៈបញ្ជាការឯកភាពរដ្ឋបាលខណ្ឌដង្កោ។

លោកស្រី គឹម ញឹប បានថ្លែងថា កិច្ចប្រជុំព្រឹកនេះផ្តោតលើការងារសំខាន់ៗមួយចំនួនដូចជា៖
១.ការពង្រឹងកិច្ចការពារ សន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ
២.ការបង្ក្រាប និងលុបបំបាត់គ្រឿងញៀន ការបង្រ្កាបល្បែងស៊ីសងខុសច្បាប់ និងការលុបបំបាត់ក្មេងទំនើងតាមសាលារៀន
៣.ពង្រឹងការផ្តល់សេវាសាធារណៈ ជូនបងប្អូនប្រជាពលរដ្ឋ
៤.បញ្ហាផ្សេងៗ៕