រថយន្ដធន់ធំបេីកបុកបុរសពីរនាក់ ជិះម៉ូតូមួយគ្រឿងកិនបណ្ដាលឲ្យបុរសម្នាក់ស្លាប់និង ម្នាក់រងរបួសធ្ងន់បញ្ជូនទៅមន្ទីរពេទ្យ
ភ្នំពេញ៖បុរសពីរនាក់ជិះម៉ូតូ HONDA SCOOPY ពាក់ស្លាកលេខ ភ្នំពេញ 1IW-0335 ជិះឌុបគ្នាឆ្លងកាត់ផ្លូវ ត្រូវរថយន្ដធន់ធំ ពាក់ស្លាកលេខ ព្រះសីហនុ 3A-2519 បេីកបុកហេីយកិនបណ្ដាលឲ្យបុរសម្នាក់ស្លាប់និង ម្នាក់រងរបួសធ្ងន់បញ្ជូនទៅមន្ទីរពេទ្យ។
សមត្ថកិច្ចឱ្យដឹងថា៖ហេតុការណ៍នេះបានកេីតឡេីងកាលពីវេលាម៉ោង១១:៣០នាទីយប់ ថ្ងៃទី២៦ ខែមិថុនា ឆ្នាំ២០២៤ ស្ថិតតាមបណ្ដោយមហាវិថីចោមចៅ(វេងស្រេង)សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ចុះមកវាស់វែងរួចហើយបានយករថយន្ត និងម៉ូតូទៅរក្សាទុករង់ចាំការដោះស្រាយនៅពេលក្រោយ និងប្រគល់សពជនរងគ្រោះឲ្យសាច់ញាតិយកទៅធ្វើបុណ្យតាមប្រពៃណី៕