រថយន្ដដឹកអ្នកដំណើរ របស់ក្រុមហ៊ុន ចាន់ ម៉ូលីរដ្ឋបុកម៉ូតូបណ្ដាលឲ្យបុរសម្ចាស់ម៉ូតូជាមន្ត្រីយោធា ស្លាប់នៅសង្កាត់ចោមចៅទី៣
ភ្នំពេញ៖បុរសម្នាក់បេីករថយន្ដដឹកអ្នកដំណើររបស់ក្រុមហ៊ុន ចាន់ ម៉ូលីរដ្ឋ ពាក់ស្លាកលេខ ភ្នំពេញ 3C-6533 បេីកវ៉ាជែងជ្រុលទៅបុកម៉ូតូ HONDA MOOVE ពាក់ស្លាកលេខ ភ្នំពេញ 1GY-7154 បណ្ដាលឲ្យបុរសម្ចាស់ម៉ូតូជាមន្ត្រីយោធា ស្លាប់យ៉ាងអាណោចអាធ័ម ។
ហេតុការណ៍នេះបានកេីតឡេីងកាលពីវេលាម៉ោង១:៣០នាទី រំលងអធ្រាត្រឈានចូល ថ្ងៃទី២៨ ខែមិថុនា ឆ្នាំ២០២៤ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ចុះមកវាស់វែងយករថយន្ត និងម៉ូតូទៅរក្សាទុករង់ចាំការដោះស្រាយនៅពេលក្រោយ និងប្រគល់សពជនរងគ្រោះឲ្យសាច់ញាតិយកទៅធ្វើបុណ្យតាមប្រពៃណី៕