យុវជនម្នាក់ជិះម៉ូតូជិះក្នុងល្បឿនលឿនជ្រុលទៅបុករថយន្តបេីកឆ្លងផ្លូវបណ្ដាលឲ្យម្ចាស់ម៉ូតូស្លាប់ភ្លាមៗនៅកន្លែងកេីតហេតុ ផ្លូវវេង ស្រេង
ភ្នំពេញ៖យុវជនម្នាក់ជិះម៉ូតូ HONDA Dream ពាក់ស្លាកលេខ ភ្នំពេញ 1KF-2117 ជិះក្នុងល្បឿនលឿនជ្រុលទៅបុកជាមួយរថយន្ដ Chevrolet ពាក់ស្លាកលេខ ភ្នំពេញ 2V-2349 ដែលបេីកឆ្លងផ្លូវបណ្ដាលឲ្យម្ចាស់ម៉ូតូស្លាប់ភ្លាមៗនៅកន្លែងកេីតហេតុ ។ចំណែកឯអ្នកបេីកបររថយន្ដបានរត់គេចខ្លួនបាត់។
សមត្ថកិច្ចម្យដឹងថា ហេតុការណ៍នេះបានកេីតឡេីងកាលពីវេលាម៉ោង៤ទៀបភ្លឺ ថ្ងៃទី២៥ ខែសីហា ឆ្នាំ២០២៤ ស្ថិតតាមបណ្ដោយមហាវិថីចោមចៅ(វេងស្រេង) សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះមកធ្វើការវាស់វែងយករថយន្ដ និងម៉ូតូទៅរក្សាទុករង់ចាំការដោះស្រាយនៅពេលក្រោយ។ រីឯសពជនរងគ្រោះប្រគល់ឲ្យសាច់ញាតិយកទៅធ្វើបុណ្យតាមប្រពៃណី៕